Oleg Tyulkin: "Andijon"ning asosiy vazifasi - Oliy ligada qolish"

"Nasaf"ni g'alaba bilan tabriklayman. O'yin haqida gapiradigan bo'lsam, birinchi bo'limda kutilganidek o'ynay olmadik. Ikkinchi taymda futbolchilar biroz o'zlariga kelib olishdi va o'yin qiziqarli kechdi. Biz yangi jamoani tuzyapmiz va buning uchun albatta vaqt kerak. G'alabali odimlarimiz hali oldinda deb o'ylayman", - deya gap boshladi klubning katta murabbiyi Oleg Tyulkin.

- "Nasaf"ning o'yinini o'rganish jarayoni qanday kechdi?

- Biz "Nasaf"ning uchta uchrashuvi yozilgan diskni ko'rib chiqib, raqibni o'rgangandik. Ikkita ushbu mavsumdagi OCHL doirasidagi o'yinlari va bitta o'tgan mavsumdagi bellashuvni ko'rib chiqqandik. "Nasaf"ning tarkibi ko'p yillardan buyon birga va ularda o'yin o'zagi saqlanib turibdi. Bugungi bahsda bizga juda qiyin bo'ldi.

- Nega uchrashuv qaydnomasida ham Edgar Gess qo'l qo'ymagan va matbuot anjumanida ham yo'q?

- Bu erda kichik bir xatolik bo'lib o'tdi. Biz mavsum oldidan kelishilgan o'yinlarda ishtirok etmaslik borasidagi qog'ozga qo'y qo'yishimiz kerak bo'lgan paytda Edgar Yakovlevich klub qarorgohida emas edi. SHu bois Edgar Gessga kerakli licenziyani berishmadi. Bu muammoni ham yaqin vaqt ichida hal etamiz deb o'ylayman.

- "Andijon" oldiga bu yilgi mavsumda qanday vazifa qo'yilgan?

- Ushbu mavsumda Oliy ligada qolish asosiy vazifa etib qo'yildi.

"Nasaf" klubi matbuot xizmati bilan hamkorlikda tayyorlandi.