OFKning ikki kunlik seminari yakunlandi

Dastavval, mahalliy vaqt bilan 9:00da Osiyo CHempionlar ligasi musobaqasi masuli Pavel Luzanov tadbirni kirish qismini ochib berdi va “Doping nazorati va shifokor masalalari” yuzasidan maruza o'qishi uchun doktor Gurcharan Sinx taklif etdi. Malayziyalik mashhur mutaxassisning chiqishi ko'pchilikda katta qiziqish uyg'otdi. Gurcharan Sinx Braziliyada o'tgan 2014 yilgi jahon chempionatida aniqlangan kamchiliklar va bahsli vaziyatlar yuzasidan tayyorlangan mahsus rolikni yig'ilganlarga namoyish etib, ushbu holatlarni takrorlamaslikka chaqirdi.

SHundan so'ng “Matbuot xizmati masalalari” bo'yicha CHetang Kulkarni chiqish qildi. Uning maruzfasi va namoyish etgan roligi ham klublar vakillari uchun foydali bo'ldi. Yoshimi Ogava esa “Hakamlar masalalari”ga to'xtalib o'tdi. Uning maruzfasi ko'pchlikning diqqat etiborini tortdi. Ayniqsa, namoyish etilgan bahsli vaziyatlar roligi juda-juda qiziqarli bo'ldi.

Rejaga ko'ra, so'nggi bo'lib “Marketing masalalari” bo'yicha chiqish qilindi. Unda OFKning yangi homiy va hamkorlariga to'xtalib o'tildi. SHuningdek, uchrashuvlarni tashkil etishda belgilangan talablarga amal qilish lozimligi klublarga yana bir karra tushuntirildi.

SHu tariqa, 2015 yilgi Osiyo CHempionlar ligasi va OFK kubogi musobaqalari oldidan tashkil etilgan seminar o'z yakuniga etdi.