OFK U-19 va U-16 Osiyo chempionatlarini qoldiradi
25 dek 2020 09:34
Yangiliklar
![](https://championat.asia/upload/storage/611480_original.jpg)
![](/upload/storage/611480_220.jpg)
OFK U-19 va U-16 Osiyo chempionatlarini qoldiradi
Malumki, U-20 jahon chempionati 2021 yil Indoneziyada, U-17 jahon chempionati esa Peruda bo'lib o'tishi belgilab qo'yilgandi. Biroq koronavirus pandemiyasi tufayli jahon futbol tashkiloti mezbonlik huquqini saqlab qolgan holda har ikki musobaqani 2023 yilgacha bekor qilishni lozim topdi.
Bu degani tez orada OFK ham U-19 va U-16 Osiyo chempionatlarini qoldirishi kutilmoqda. Sababi har ikki musobaqa jahon chempionatiga yo'llanma berish uchun o'tkaziladi va FIFA kichik mundiallarni bekor qilganidan so'ng yoshlar va o'smirlar o'rtasidagi Osiyo birinchiligini o'tkazishga hojat qolmaydi. Avvalroq UEFA ham U-19 Evropa chempionatini bu yil o'tmaslikni lozim topgandi.
Xabaringiz bor, U-19 Osiyo chempionati 2021 yilning mart oyida O'zbekistonda bo'lib o'tishi rejalashtirilgandi. Biroq mart oyiga borib barcha xalqaro reyslar yana yo'lga qo'yilishiga hech kim kafolat bera olmaydi. SHu bois OFK tavakkal qilmasdan musobaqani 2023 yilga qoldirishni o'ylamoqda. Albatta, musobaqani O'zbekistonda o'tkazish huquqi saqlanib qoladi.
SHuningdek, Bahraynda o'tishi kerak bo'lgan U-17 Osiyo chempionati ham 2023 yilga qoldiriladi. Ushbu musobaqada ishtirok etish uchun Olim SHokirov boshchiligidagi o'smirlar termamiz hozirlik ko'rayotgandi. U-19 terma jamoamiz ustozi esa Timur Kapadze sanaladi. Katta ehtimol bilan Kapadzening keyingi mavsum yana klub futboliga qaytishi kutilmoqda.
O’xshash yangiliklar
![AMP Logo](https://championat.asia/image/logo-amp.png)
Fikrlar