OFK kubogi-2021. "Oloy" bosh murabbiyi: "Birinchi taymda "Nasaf"ga qarshi yaxshi o'ynadik"
14 may 2021 19:53
Yangiliklar
![](https://championat.asia/upload/storage/637054_original.jpg)
![](/upload/storage/637054_220.jpg)
OFK kubogi-2021. "Oloy" bosh murabbiyi: "Birinchi taymda "Nasaf"ga qarshi yaxshi o'ynadik"
"O'yindan oldin bugungi raqibimiz kuchli ekanligini takidlagandim, birinchi taymda o'yinimiz yaxshi chiqayotgandi, ammo ikkinchi taymda himoyadagi o'zimiz qilgan xatolardan keyin ikkita gol o'tkazdik. Takrorlayman "Nasaf" kuchli jamoa.
Tarkibimizda ko'p futbolchilar yosh va bunday darajadagi xalqaro musobaqada birinchi bor o'ynashdi. To'pni o'zimizda saqlab turishga urindik, harakat qildik, ammo hisob yirik bo'lgandi. Mana shunday o'yinlar orqali tajriba to'planadi. So'nggi yillarda "Oloy" OFK kubogida ishtirok etib kelayotgandi, ammo bu yilgi tarkibimiz yangilandi va butkul yangi jamoaga aylandi. Mana shu mayda detallar hisob yiriklashib ketishiga sabab bo'ldi.
Birinchi taymda futbolchilarim barcha ko'rsatmalarni bajarishga urinishdi. Ishtiyoq va harakat evaziga yaxshi o'ynadik. Ammo bunday o'yinlarda tajriba to'planadi. Birinchi taymda "Nasaf" hujumlar qildi, gol urishga urindi, biz himoyada yaxshi harakat qildik. Golga sabab bo'lgan ikkita xatodan keyin yigitlar o'zlariga bo'lgan ishonchni yo'qotib qo'yishdi va natija shunday bo'ldi", - deydi No'monjon Yusupov.
Tolibjon Qosimov
Dushanbe, Tojikiston
O’xshash yangiliklar
![AMP Logo](https://championat.asia/image/logo-amp.png)
Fikrlar