O'FAdagi saylovga 10 kun qoldi, nomzodlar kim va ularda dastur bormi?

Unda tashkilotning Prezidenti, Birinchi Vice-prezidenti, ikki nafar Vice-prezident va ijroqo'm azoligaga 5 nafardan mutaxassis saylanadi. Bu safargi saylov avvalgilaridan farq qiladi. Yani, yillar davomida bo'lib kelganidek HA belgisini ko'tarish bilan emas, zamonaviy saylov kompaniyalari kabi maxsus qutiga o'z ovozlarini belgilash orqali nomzodga ovoz beriladi.

Katta ehtimol bilan prezidentlik uchun nomzod bitta. Hozirgi holatda Abdusalom Azizovning o'rniga nomzod ko'rsatish mantiqqa to'g'ri kelmaydi. Aynan shu kishi kelgach, O'FAda g'irrom jamoalar, rahbarlar va hakamlarga qarshi jiddiy kurash boshlandi.

Bilishimizcha, Vice-prezidentlikka 3-4 nafar nomzodlar berilyapti. O'FA nomzodlarni ochiqlashi va nomzodlar o'zining saylov oldi dasturlarini elon qilishlari kerak. Saylovda ishtirok etayotgan delegatlar kimga, nima uchun ovoz berayotganligi bilishi kerak. Bizga malum bo'lishicha, saylovda Superliga va PRO liga rahbarlari, hududiy associaciyalardan va oliy mahorat futbol maktablaridan ovoz beruvchilar qatnashadi.

Lavozimga tayinlanadigan mutaxassislar klublarga nima qilib beradi? Hududiy associaciyalarga qanday loyihalari mavjud? Akademiyalarda qanday o'zgarish bo'ladi, loyiha bormi?

Mana shu savollarga tez kunda oydinlik kiritamiz deb o'ylaymiz.

Narzulla Saydullaev