O'FA: O'zbekiston MTJ Turkiyada Afg'oniston bilan o'ynashi yolg'on malumot

Mazkur xabarlarga manba sifatida Turkmaniston futbol federaciyasining rasmiy sayti ko'rsatilgan.

O'zbekiston futbol associaciyasi bu xabar noto'g'ri ekanligini malum qiladi. Ektor Kuper boshchiligidagi O'zbekiston milliy terma jamoasi Afg'oniston bilan o'rtoqlik o'yini O'TKAZMAYDI.

Turkiyadagi yig'in davomida bitta nazorat uchrashuvi o'tkazilishi rejalashtirilgan. Bu nazorat uchrashuvi yopiq tarzda bo'lib o'tadi. Qaysi jamoaga qarshi nechanchi sanada o'tkazilishi O'FA rasmiy sayti orqali malum qilinadi.

O'z o'rnida O'zbekiston futbol associaciyasi yurtimizdagi ommaviy axborot vositalaridan O'zbekiston milliy terma jamoasi bilan bog'liq aniq va to'g'ri malumotlarni faqat tashkilot rasmiy saytidan yoki ijtimoiy tarmoqlardagi rasmiy sahiflaridan olishni tavsiya qiladi.  Boshqa manbalarda berilgan O'FA bilan bog'liq xabarlarni yoritishda O'FA Matbuot xizmati bilan bog'lanib, xabarning to'g'ri yoki noto'g'ri ekanligini tekshirib olishni ham so'rab qoladi.