Odiljon Hamrobekov "Nasaf"ga o'tdimi?

Championat.asia sayti bosh muharriri Narzulla Saydullaevning telegramdagi kanalida bergan xabariga ko'ra, Hamrobekovning ayni paytda bor etibori "Navbahor" - "Andijon" uchrashuviga qaratilgan. Futbolchining Namangan klubi bilan amaldagi shartnomasi yil oxiriga qadar mo'ljallangan. Odiljon mavsumni tugatib, biroz xordiq chiqarib, keyin takliflarni ko'rib chiqishini malum qildi. Ayni paytda unga faqat "Nasaf" emas boshqa bir qator O'zbekiston klublari qiziqayotganini tasdiqladi. Bundan tashqari Hamrobekov chetdan bo'ladigan takliflarni ham ko'rib chiqmoqchi. 

Malumot uchun, Odiljon Hamrobekov 2024 yilni "Navbahor" safida o'tkazib 22 ta o'yinda 1 ta gol urdi va 2 ta golli uzatmani amalga oshirdi. Transfermarkt portaliga ko'ra, aynan Hamrobekov O'zbekiston Superligasida o'ynayotgan futbolchilar orasida eng qimmat transfer narxiga ega - 1,2 million evro.