Odil Isaboev: “Mashal” noqulay raqiblardan biri"

 O'yin arafasida mezbonlar murabbiylaridan biri Odil Isaboev raqib haqida o'z fikrlarini bildirdi.

- Qashqadaryo viloyati jamoalari orasida biz uchun eng noqulay raqiblardan biri bu “Mashal” jamoasidir. Har safar muborakliklarga qarshi o'yinimiz qiyin kechgan. Bu galgi uchrashuv ham oson bo'lmaydi. Birinchi davradagi Muborakdagi o'yinda biz birinchi bo'lib o'z darvozamizdan to'p o'tkazib yuborgan bo'lsak-da, yakunda ikkita to'p farqi bilan g'alaba qozongandik. Muborakliklar ikkinchi davrani ham o'z maydonlarida mag'lubiyat bilan boshlashdi. Bu esa “Mashal”ning Bekobodda bizga qarshi ikki hissa kuch bilan o'ynashini anglatadi.

O'yin “Metallurg” uchun ham juda muhim. Oldingi turda Jizzaxda durang o'ynab, ochko yo'qotdik. Biz bilan turnir jadvalida oldinma ketin borayotgan jamoalar esa g'alabaga erishishdi. SHu manoda “Mashal”ga qarshi o'yinda yuz foizlik natijaga erishmasak bo'lmaydi, deydi Odil Isaboev.