Odil Hamrobekov: "Bunyodkor" qaysi o'rinni egallaydi? Jadvalga kuzda qaraymiz"

Darvozalarga 4 ta gol urilgan uchrashuvda "qaldirg'ochlar" safida eng yaxshi futbolchi bo'lgan Odil Hamrobekov o'yindan so'ng fikrlari bilan o'rtoqlashdi. 

"Mavsumning birinchi turi uchun qiziqarli o'yin bo'ldi deb o'ylayman. O'yin tempi, ruhi, gollar muxlislarni zeriktirib qo'ygani yo'q. Ikki jamoa ham chiroyli o'yin ko'rsatdi. Hisobda oldinda borishimizga qaramay o'yinni tashlab yubormadik. Natija o'yinga yarasha ko'rinish oldi",- deydi Odil Hamrobekov. 

- "Bunyodkor" uchrashuvning barcha qismlarida barqaror o'yin ko'rsatdi. Bu ko'proq nima bilan bog'liq?

-Startda bir xil tempni ushlash qiyin albatta. Lekin Turkiyadagi yig'inlarda jismoniy holatimizga ko'proq etibor berdik va shuning evaziga bu o'yinda ikki taymda ritmni ushlay oldik.

- Kuchli raqib fonida "qaldirg'ochlar" yaxshi o'yin ko'rsatdi va ustunlik qildi. Jamoa turnir jadvalida qaysi o'rinlarni egallaydi?

- Har bir jamoa maydonga g'alaba uchun chiqadi. Chempionat yakuniga etganidan so'ng kuzda jadvalga qaraymiz. Imkon qadar yuqori o'rinlarga kurashamiz.