OCHLda o'ynab qancha pul ishlash mumkin?
21 dek 2019 15:47
Yangiliklar
![](https://championat.asia/upload/storage/535243_original.jpg)
![](/upload/storage/535243_220.jpg)
OCHLda o'ynab qancha pul ishlash mumkin?
Malumki, kelasi yil OCHLda uchta klub Vatanimiz sharafini himoya qiladi. "Paxtakor" to'g'ridan-to'g'ri guruhda o'ynasa, "Lokomotiv" bilan "Bunyodkor" o'z ishtirokini pley-offdan boshlaydi.
SHuni aytish mumkin, 2020 yilgi mavsumda ham OCHL mukofot pullari hozirgidek saqlanib qoladi. Yani, pley-off o'tish bosqichida safar uchrashuviga yo'l olgan har bir jamoaga yo'lkira xarajatlari uchun 40,000 dollar, guruh o'yinlaridan boshlab yarim finalgacha 60,000 dollar va finalga chiqqan jamoalarga 120,000 dollardan pul beriladi.
Bu borada OFK Kubogida o'tish bosqichidan boshlab toki finalgacha bir xil 40,000 dollar miqdorida summa ajratilgan.
OCHL g'olibiga OFK tomonidan 4 million dollar, finalchiga 2 million dollar beriladi. OFK Kubogi g'olibi 1,5 million dollarga, finalchi esa 750,000 dollar miqdorida pulga ega bo'ladi. SHuningdek, OFK Kubogida har bir mintaqa g'olibiga 100,000 dollardan ajratiladi.
Bundan tashqari Osiyo chempionlar ligasida 1/8 finalga yo'l olgan jamoalarning har biriga 100,000 dollar, chorak finalga chiqqanlarga 150,000 dollar, yarim finalchilarga 250,000 dollardan pul mukofoti beriladi.
Osiyo chempionlar ligasida guruh bosqichidan boshlab toki yarim finalga qadar har bir g'alaba uchun klublar 50,000 dollar, durang uchun 10,000 dollardan pulga ega bo'lishadi.
O’xshash yangiliklar
![AMP Logo](https://championat.asia/image/logo-amp.png)
Fikrlar