OCHL. Ermatov boshqargan o'yinda “Al Ayn” g'alaba qozondi, lekin

BAAning “Al Ayn” jamoasi muhtasham Hazza Bin Zayed Stadium arenasida Saudiya Arabistonining “Al Hilol” klubini qabul qildi. Hamyurtimiz Ravshan Ermatov boshqarib borgan uchrashuvda maydon egalari 2:1 hisobida zafar quchishdi.

Lekin bu g'alaba finalga chiqish uchun kamlik qildi. Boisi, Ar-Riyodda kechgan dastlabki o'yinda saudiyalik futbolchilar 3:0 hisobida zafar quchishgan edi. Darvoqe, bugungi bahsda Ermatov "Al Ayn" futbolchisi Asamoa Gyanga raqib futbolchisiga ikki oyoqlab sakragani uchun qizil kartochka ko'rsatdi.

Bugun OCHLning ikkinchi yarim final javob uchrashuvi bo'lib o'tadi. Unda Avstraliyaning “Vestern Sidney Uonderers” hamda Janubiy Koreyaning “FK Seul” jamoalari o'zaro munosabatlariga oydinlik kiritib olishadi.