OCHL-2021. "Traktor"da jiddiy muammolar paydo bo'ldi. Klub keyingi hafta Masharipov jamoasiga qarshi o'ynaydi

"Eron nashrlari Tabrizning "Traktor" klubi moliyaviy muammolar tufayli OCHLdagi o'z yurishini davom ettira olmasligi mumkinligi haqida yozishdi. "Traktor" keyingi hafta 1/8 finalda Saudiya Arabistonining "Al-Nassr" klubiga qarshi o'ynaydi.

Klubni bir qator etakchilar tark etdi va ularning o'rnini to'ldira olmadi. "Traktor" sobiq futbolchilari oldidagi qarzdorligi tufayli yangi futbolchilarni ro'yxatdan o'tkaza olmadi. Eronda transfer oynasi yopilgan. OCHL uchun ham yangi futbolchilarni ro'yxatdan o'tkazishga kech qolindi.

Agar "Traktor" o'yinga bormasa OFK tomonidan katta jarima va jiddiy diskvalifikaciya kutadi. SHu bois klub o'yinga yo'l oladi.

Ko'pchilik agar "Traktor" musobaqani davom ettira olmaganida uning o'rnini guruhda uchinchi o'rinni olgan "Paxtakor" 1/8 finalda o'ynashi haqida gapirdi. Ammo agar shunday bo'lgan taqdirda ham "Traktor"ning o'rniga ikkinchi o'rinni olganlar orasida 4-bo'lgan "Al Sadd" qatnashardi.

Bu holat menga 2000 yilgi Kubok egalari kubogini eslatib yubordi. O'shanda "Navbahor" chorak finalda "Al-Ahli"ga ikki o'yin natijasiga ko'ra yutqazgandi (1:6, 2:0), ammo baribir yarim finalga chiqqandi. Sababi "Al-Ahli" Tailandga borishni istamagan. Saudiya Arabistoni mamlakati o'z fuqarolariga Tailandga borishni taqiqlab qo'ygan", - deb yozadi Alisher Nikimbaev telegramdagi o'z kanalida.

Malumot uchun, "Al Nassr" - "Traktor" uchrashuvi 14 sentyabr kuni Doxa shahrida bo'lib o'tadi. "Al Nassr" safida o'zbekistonlik Jaloliddin Masharipov to'p tepmoqda.