"Obod" murabbiyining Toshkentda tanishlari bormi?

Ukrainalik mutaxassis bilan suhbat qilganimizda "Obod" varianti qanday yuzaga kelgani, yangi ish joyida o'z oldiga qo'ygan maqsadi hamda Toshkentda tanishlari borligi haqida gapirib berdi. 

- "Menga “Obod” qiziqayotgani haqida uchinchi qo'ldan eshitdim desam ham bo'ladi, - deydi Andrey Anatolevich. - Ukrainadagi bir tanishim O'zbekistondan variant bor, Toshkentda ishlaysanmi deb so'radi. Bu vaqtda men ishsiz bo'lib, har qanday taklifni ko'rib chiqishga tayyor edim. Tanishim bolalikdagi o'rtog'im hisoblanadi va hozirgi kunda metall biznesi, shuningdek agentlik kompaniyalari bilan shug'ullanadi. Uning Kiprda agentlik firmasi bor". 

- "Ukrainada inqiroz davom etmoqda va ko'p odamlar ishsiz. Men ishlab kelgan “Metallurg” Zaporoje qariyb 80 yillik faoliyatdan so'ng yopildi. Bu erga kelishdan oldin bir paytlar men bilan birga o'ynagan Jafar Irismetov bilan gaplashdim. U bemalol kelishim mumkinligini, O'zbekistonda ham iqtidorlar ko'pligini aytdi. SHu tariqa “Obod”ga tashrif buyurdim. CHunki baribir bekor yurgandim".

- "Men Evropada tahsil olib “Pro” licenziyasini qo'lga kiritganman va bu borada muammo yo'q. Faqat ishlasam bo'lgani. Agar “Obod”ga ikki-uch nafar legioner olib kela olsak, o'yinimiz yanada kuchayadi deb o'ylayman".

- "Jafar Irismetov bilan oldin birga o'ynaganman. SHuningdek, “Paxtakor” bosh murabbiyi SHota Arveladze bilan ham “Ayaks”da birga to'p tepganmiz. Xullas, Toshkentda tanishlar bor". 

- "Men O'zbekistonga shunchaki vaqt o'tkazish uchun kelganim yo'q. Astoydil ishlab o'zimni ko'rsatishni xohlayman Futbol haqida bilimga egaman va buni boshqalar bilan baham ko'rishni xohlayman. Albatta, natija kerak, lekin bu menga bosim o'tkazmaydi. Balki oliy ligada qolarmiz, balki oxirgi o'rinni olarmiz, nima bo'lishini bilmayman, ammo men boshqaradigan jamoada futbolchilar aql bilan to'p tepishlarini xohlayman". 

X.Xoliqov