Obid Xudoyorov: "Neftchi" Superligaga haqli"

O'yin haqida

- Bugun o'zlaring guvoh bo'ldinglar, o'yin teng kurashlar ostida o'tdi. Murabbiylar har-xil fikr bildiradi, lekin menga yoqqani bugun ochiq futbol bo'ldi. Garchi gol bo'lmasa ham juda shiddatli o'yin ko'rdik.

- Bugungi o'yinda "Qizilqum" tarkibida bir qator rotaciyalarga qo'l urildi. SHu xolatga izox bersangiz?

- Kubok doirasidagi barcha o'yinlarga to'xtalib o'tsam, asosan o'yin amaliyoti kam bo'lgan yigitlarga imkoniyat berildi. Tarkibga o'rinbosarlar jamoasidan ham futbolchilarni jalb etdik. Juda ham baxt deb hisoblayman, bu narsa o'zimizning ham boshimizdan o'tgan, bugun tarkibimizda birinchi bor katta futbolda maydonga chiqqan yosh futbolchilar ham bor edi. Hammada bo'lgani singari ularda ham hayajon bo'ldi. Lekin o'zini oqladi, bugun ular o'zlarini har tomonlama ko'rsatishga harakat qilishdi.

- Jamoa kubok uchrashuvlarida 3 ta o'yinda jami 7 ochko jamg'ardi. Buni normal xolat deb baholasa bo'ladimi?

- Menimcha ha. Ikkinchi tarkibni qo'ydi, yoshlarni tushirdi degan gaplar bo'lishi mumkin. Lekin birinchi yoki ikkinchi tarkib degan narsa yo'q, kim maydonga tushsa har tomonlama o'zini ko'rsatishga haqli. Kubok uchrashuvlarida tarkibga jalb etilgan futbolchilar o'zlarini ko'rsatishdi deb o'ylayman.

- Kubok uchrashuvlarida sizlar bilan birgalikda 3 ta Pro-liga jamoasi ishtirok etdi. "Neftchi" jamoasi haqida fikringiz qanday?

- "Neftchi" jamoasining bu yilgi ko'rsatayotgan o'yini va tarkibi jihatidan aytsak, bu jamoa Superligaga haqli. O'yinlarini teoevidenie orqali kuzatayapmiz, jamoa tarkibiga bir qator iqtidorli futbolchilar jam bo'lgan. O'tgan mavsum Superligada "Surxon" tarkibida o'ynagan futbolchilar, bundan tashqari bir qator yoshlar ham "Neftchi" tarkibiga jalb etilgan. Jamoani Superligada kutib qolamiz. Bugun biz tarkibimizni shunga moslab tanlagandik.