OAV diqqatiga: “Lokomotiv” OCHL-2019 uchun akkreditaciya jarayonini boshladi
15 fev 2019 18:34
Yangiliklar

OAV diqqatiga: “Lokomotiv” OCHL-2019 uchun akkreditaciya jarayonini boshladi

Teglar : OCHL-2019 Lokomotiv

“Lokomotiv” PFK matbuot xizmati jurnalistlarni Osiyo CHempionlar Ligasi bahslari uchun akkreditaciyadan o'tkazish jarayonini boshlaganini malum qilamiz.

Bilasiz, O'zbekiston chempioni "Lokomotiv" klubi Osiyo CHempionlar Ligasi-2019 mavsumida “B” guruhida ishtirok etadi. “Lokomotiv”ning uy uchrashuvlarida o'yinoldi va o'yindan keyingi matbuot anjumanlari, media-tribuna, matbuot markazi, mikst-hudud hamda darvozalar ortiga (suratkashlar uchun) o'tib borish huquqini beradigan ruxsatnoma kartochkalarini olish uchun jurnalistlardan arizalar 15 fevraldan 25 fevralga qadar qabul qilinadi.

Buning uchun ommaviy axborot vositalari xodimlari “Lokomotiv” PFK matbuot xizmatiga o'z tashkilotlari rahbari nomidan akkreditaciyadan o'tkazish uchun xat, 3x4 hajmdagi fotosurat, pasportdan nusxa taqdim etishlari so'raladi. Hujjatlar [email protected] elektron manzili orqali qabul qilinadi.

Havola :

Manba : lokomotiv.uz

Yangiliklarni Telegramda o'qing!

Reyting: +4