"Nyukasl" – "Manchester Siti" 0:2. MATNLI TRANSLYACIYA

Angliya chempionati, 1-tur.

"Nyukasl" – "Manchester Siti" 0:2
17 avgust, 20.00, Sent-Djeyms Park

Bosh hakam: Martin Atkinson.

Gollar: Silva (39), Aguero (90)

Nyukasl – Krul, Uilyamson, Dammett, Kolochchini, Yanmat, Kolbek, Anita (Obertan, 63), Kabella, Sissoko, Guffran (Aaron, 74), River (Ayoze, 84).
Manchester Siti – Jo Xart, Kolarov, Kompani, Demichelis, Klishi, Yaya Ture, Fernando, Silva, Nasri (Milner, 78), Jeko (Aguero, 84), Yovetich (Fernandino, 73).

Ogohlantirishlar: Silva (34), Demichelis (54), Kolarov (57), Kompani (75), Yanmat (78), Fernando (87).
                       
                             MATNLI TRANSLYACIYA
                                       YANGILASH

Etiboringiz uchun tashakkur! Doimo sog'-salomat bo'ling, Aziz futbol muxlislari! Ha aytgancha, bugun Sizning xizmatingizda SHahboz Beg'amov bo'ldi. Keyingi o'yinlarda g'oyibona ko'rishguncha...

Uchrashuv yakunlandi!

90+3` O'yin taqdiri hal bo'ldi. "Siti" mavsumni g'alaba bilan boshlaydigan bo'ldi.

90+2` GOOOOOOOOOOOOOOL! AGUERO! Serxio Aguero dastlabki zarbasini Krul qaytardi, ammo qaytgan to'pni Aguero darvozaga joylab qo'ydi, 0:2.

90+1` SISSOKO!!! AJOYIB vaziyatni ko'kka sovurmoqda.

90` Uchrashuvning ikkinchi bo'limiga 4 daqiqa vaqt qo'shib berildi.

89` So'nggi daqiqalarda maydon egalari oldinga borishga majburdirlar. Tablodagi hisob shuni taqozo etmoqda. Lekin hozircha bulardan naf chiqayotganicha yo'q.

87` Fernando qo'pol harakati uchun ogohlantirilmoqda.

87` Yangi tushirilgan futbolchilar o'yinni biroz jonlantirishga erishishdi.

85` Ayoze tushishi bilan qulay vaziyatga ega chiqdi. Uning yo'llagan zarbasi xavfli chiqdi, lekin noaniq.

84` "Nyukasl"da ham oxirgi o'zgarish. River o'rniga Ayoze tushdi.

83` "Siti"da so'nggi o'zgarish. Sekin harakatlanuvchi Jeko o'z o'rnini Agueroga bo'shatib berdi.

81` Tezkorlik, shiddat va hujumlar yomg'irisiz o'tayotgan o'yin. Ha, bu APL.

79` Mehmonlarda tarkibida o'zgarish. Samir Nasri o'rniga Milner tushirildi.

78` Kompani va undan keyin Yanmat hakam tomonidan ogohlantirildi.

77` Navbatdagi standart vaziyati samarasiz yakunlandi. "Nyukasl" safida gol ura oladigan futbolchi topilmayapti.

75` Maydon egalari tarkibida ham navbatdagi o'zgariy ruy berdi. Guffran o'rniga Aaron tushdi.

74` Yaya Turening jarimadan yo'llagan zarbasi xavfli ko'rinish oldi. Lekin undan ortig'i emas.

73` "Manchester Siti" safida ham o'zgarish. Yovetich o'z o'rnini Fernandinoga bo'shatib bermoqda.

69` Mehmonlar ham hujum qilishmoqchimi? Yoki boshqa to'p kiritish shart emasmi?

68` Maydon egalari hisobni tenglashtirishmoqchimi?

"Nyukasl" safida o'zgarish ruy berdi. Anita o'rniga Obertan maydonga tushdi.

64` Qanotdan uzatib berilgan to'pga Jo Xart birinchi bo'lib chiqdi va xavfni barataraf etdi.

62` Guffran burchak to'pi ishlab oldi.

60` Yovetich himoyachidan uzib ketdi va raqib darvozasi sari yurish qildi. Uning yo'llagan zarbasini himoyachi to'sib qoldi.

58` Jarima to'pidan uzatib berilgan to'pni Uilyamson boshi bilan darvozaga yo'lladi. Lekin biroz noaniq.

57` Ogohlantirish. Bu safar Kolarov.

56` Yovetichning zarbasiga aniqlik etishmadi.

55` Maydon egalari ushbu standart vaziyatidan unumli foydalana olishmadi.

54` Kabellani Demichelis qo'pollik bilan to'xtatib qo'ydi. Atkinson unga ogohlantirish ko'rsatdi.

52` "Nyukasl" hisobni tenglashtirish uchun qulay vaziyatga ega bo'lgandi. Ammo ular bundan naf chiqara olishmadi.

50` VAZIYAT! XAVFLI VAZIYATNING XAVFLISI! Guffran! Burchak to'pidan so'ng jarima maydonchasi ichida Guffran qulay vaziyatga ega chiqdi. Lekin himoyachilar unga qarshilik qilishdi.

48` Jamoalar hujumga o'tishga shoshilishmayapti.

47` Ikkinchi 45 daqiqalik samaraliroq o'tishiga umid qilamiz.

46` Ikkinchi bo'lim boshlandi.

Birinchi bo'lim tugadi. TANAFFUS!

45` Birinchi bo'limga 2 daqiqa vaqt qo'shib berildi.

43` "Nyukasl" birinchi bo'limda aytarli xavfli vaziyatlar yarata olishmayapti. Mehmonlar esa bu borada raqiblariga nisbatan yaxshiroq ko'rsatichga egalar va tablodagi hisob ham adolatdan.

41` Kiritilgan goldan keyin mehmonlar to'pni ko'proq o'z nazoratlarida ushlab turishibdi.

39` GOOOOOOOOOOOOOOOOOOOOOOL! SILVA! Mehmonlarning uyushtirgan bu safargi hujumi samarali yakunlandi. Edin Jekoning chiroyli tarzda uzatib bergan pasidan so'ng, David Silva to'pni darvozaga aniq yo'lladi, 0:1.

33` "Nyukasl"ning hujumi yakuniga etmay qolmoqda. "Siti" esa tezkor qarshi hujumga o'tgan edi. Ammo ularning ham o'ylagan rejasi raqib tomonidan buzib qo'yilmoqda.

31` Yovetich darvozaga zarba yo'lladi, lekin raqib himoyachisi to'p yo'liga tug'anoq bo'ldi...

29` Birinchi tur o'yinida Yaya Ture ham "o'zbekcha" to'p uzatishi mumkinligini isbotladi...

27` Edin Jeko Kollochiniga to'pni oldirib qo'ydi. Xavfli hujum bo'lishi mumkin edi..

25` Tim Krul to'pni tepib yubordi...

23` Ruscha aytganda, "bey, begi" o'yini davom etmoqda.

20` APL starti ko'pchilik kutganidek yorqin o'yinlar bilan boshlanmayapti. Hozircha bori shu. Qozonda bori cho'michga chiqadi deganlaridek. Mavsum boshida aytarli qozonda ko'p narsa bo'lmaydi, APLda.

18` Jamoalardan yorqin o'yin kutgan futbol muxlislarini hozir tushunsa bo'ladi. Hozircha ular kutgan o'yin bo'lmayapti.

16` Kabella o'zining "ayyorona" zarbasi bilan Jo Xartni chuv tushirmoqchi bo'ldi. Ammo o'xshamadi.

14` Ha, to'g'ri topdingiz. Bu o'sha jahon chempionatida Lui van Gal tomonidan Kosta-Rika bilan bo'lgan o'yinda o'zgacha "kashf" etilgan Krul bo'ladi.

12` Kolarov chap qanotdan mezbonlar muxlislarini hayajonga sola oldi. Uning uyushtirgan "reydi" ancha xavfli chiqdi. So'nggi pallada himoyachi to'pni maydon tashqarisiga chiqarib yuborib, vaziyatni yumshatishga erishdi.

11` Kolbek va Sissoko o'ylagan rejasi amalga oshmay qoldi. Javoban Samir Nasri oldinga bordi va darvoza tomon kuchli zarba yo'lladi. Lekin Krul o'z o'rnida.

9` "Siti"ning chap qanotdan uyushtirgan hujumi uzilib qoldi. Kolarov to'pga etib kelolmadi.

7` maydon markazida yaxshigina kurash kechmoqda. Goh bu jamoa, goh u jamoa oldinga intilmoqda. Lekin himoyachilar ularni hujumini to'xtatib qo'yishmoqda.

5` Bu Angliya chempionati. Maydonda oltita franciyalik futbolchi.

4` Edin Jeko ajoyib vaziyatga chiqib bordi va to'pni to'xtatmasdan darvozaga yo'lladi. Lekin Krul o'z vaqtida to'pga chiqib bordi. Xavfli vaziyat!

3` To'p asosan mezbonlarda, hozircha.

2` "Nyukasl" uzun pas orqali hujumga o'tmoqchi bo'ldi. Lekin uzatib berilgan to'pga Jo Xart hammadan birinchi egalik qildi.

1` O'YIN BOSHLANDI! Biz ham boshladik...

Bugungi o'yinni Martin Atkinson boshchiligidagi hakamlar brigadasi boshqarib borishadi.

Jamoalar maydonga chiqib kelishmoqda.

Eng qizig'i shundaki, bugungi jamoalarning boshlang'ich tarkibiga nazar tashlasangiz, asosiy tarkibda bor-yo'g'i uchta angliyalik bo'lgan futbolchilarni ko'rishingiz mumkin bo'ladi. Bular "Manchester Siti" safidan Jo Xart. "Nyukasl" safidan esa, Uilyamson va Kolbek. Qolgan 19 futbolchi esa legioner hisoblanishadi.

Assalomu aleykum qadrli futbol ishqibozlari! Angliya chempionatining 1-turidan o'rin olgan "Nyukasl" - "Manchester Siti" uchrashuvidan o'z reportajimizni boshlaymiz. Angliyaning amaldagi chempioni bugun "Nyukasl" mehmoni bo'ladi. Manuel Pellegrini jamoasini qiyin start kutayotgani tabiiy. O'z muxlislari ko'z oldida mezbonlar ham ijobiy natija uchun kurashishlari aniq. Demak bizni qiziqarli bo'lishi kutilayotgan 90 daqiqalik futbol bahsi kutmoqda desak mubolag'a bo'lmaydi.

- Uchrashuv soat 20:00da boshlanadi.