"Nyukasl" futbolchisi Joelinton mast holda mashina haydaganlikda ayblanmoqda

Futbolchi Kubok yarim finali doirasidagi "Sautgempton"ga qarshi birinchi o'yindan ikki kun o'tib qoidani buzgani uchun sudda javob berishi kerak bo'ladi. 

26 yoshli hujumchi payshanba oqshomida soat 01:20 da shaharning Portelend Roud hududida policiya tomonidan to'xtatilgan va alkogol testidan o'tkazilganda mast holatda mashina boshqargani aniqlangan.

Portelendning Darras Holl hududida yashovchi Joelinton 2019 yilda "Xoffenxaym"dan 40 mln evroga xarid qilingan. U paytlarda jamoani Stiv Bryus boshqarar edi. Eddi Xau boshqaruvga kelgach, o'tgan mavsumda uni chap qanot yarim himoyasida sinab ko'rdi.

Joelinton joriy mavsum APL bahslarida 16 ta o'yinda maydonga tushdi va 2 ta gol urib, sheriklarining 2 ta goliga hammualliflik qildi.