Nurali Sultonov: “Maqsadimiz – chempion bo'lish”

Ushbu musobaqaning futbol bellashuvlarida Qashqadaryo viloyati terma jamoasi saralash bahslarni muvaffaqiyatli o'tkazib, musobaqaning final bosqichiga yo'l oldi.

Saralash bosqichida yosh futbolchilarimiz o'z guruhlarida dastlab Surxondaryo viloyati terma jamoasini 2:0 hisobida mag'lub etgan bo'lishsa, ikkinchi uchrashuvda xorazmlik tengqurlarini yirik hisobda taslim etishdi.

Musobaqaning chorak finalida esa Nurali Sultonov shogirdlari Buxoro viloyati jamoasiga qarshi maydonga chiqishdi. Uchrashuvning asosiy vaqtida hisob ochilmagach, penaltilar seriyasida omad qashqadaryolik futbolchilar tomonida bo'ldi -5:4.

Endi yosh futbolchilarimiz musobaqaning Xorazmda bo'ladigan final bosqichida g'oliblik uchun kurash olib borishadi. Final bosqichida Qashqadaryo, Toshkent shahri, Farg'ona va Xorazm viloyati jamoalari yo'llanmani qo'lga kiritishgan.

Quvonarli tomoni, Qashqadaryo viloyati sharafiini himoya qilgan viloyat terma jamoasi tarkibida 14 nafar “Nasaf” futbol maktabi tarbiyalanuvchilari to'p tepishdi.

-Maqsadimiz musobaqaning final bosqichida ham muvaffaqiyatli qatnashib, chempionlikni qo'lga kiritish, –deydi viloyat terma jamoasi murabbiyi Nurali Sultonov.