No'mon Hasanov: “Rayevacning jarohati o'z so'zini aytdi”

- Bugungi uchrashuv jagovor ruhda o'tdi. Biz doimgidek maydonga g'alaba qozonish uchun tushgandik. Hatto 2:1 hisobida oldinda borayotgandik. Biroq 77-daqiqada kutilmaganda Rayevac jarohat olib maydonni tark etdi. Bu vaqtga kelib uchta futbolchini almashtirib bo'lganimiz bois, qolgan daqiqalarda maydonda bir kishi kam bo'lib harakat qilishga to'g'ri keldi. Raqib buni his etgan holda bosimni kuchaytirdi. Natijada xatolarimiz evaziga bekobodliklarga g'alabani ilib ketishdi. Umuman olganda, “Metallurg” o'z maydonida har doim shiddatli futbol namoyish etadi. Bugun mag'lubiyatga uchragan bo'lsak-da, eng asosiysi keyingi bosqichga chiqishni uddaladik.