Nima uchun MYU Sulsherni emas, Kerrikni tanladi?

Bunga norvegiyalik mutaxassisning ushbu lavozimni uzoq muddatli loyiha sifatida ko'rgani sabab bo'lgan. Bu haqda jurnalist va insayder Devid Ornshteyn Sky Sports efirida malum qildi.

Manbaning so'zlariga ko'ra, Sulsher klubda yillarga mo'ljallangan to'liq qayta qurishni amalga oshirmoqchi bo'lgan, biroq bu mankunianliklar rahbariyatini qoniqtirmagan. Maykl Kerrik esa jamoani faqatgina joriy mavsum yakuniga qadar boshqarishga rozi bo'lgan.

Ornshteynning takidlashicha, "qizil iblislar" boshliqlari uchun Sulsher — o'tmish timsoli. Klub rahbariyati uning qaytishini orqaga tashlangan qadam sifatida baholagan bo'lishi mumkin. Kerrik borasida esa bunday tuyg'u ancha kamroq seziladi.

Eslatib o'tamiz, mankunianliklar Kerrik tayinlanganini seshanba kuni, 13 yanvar sanasida elon qilishdi. Sulsher esa 2018 yildan 2021 yilgacha jamoani boshqargan edi.