Nikimbaev: "O'zbekiston terma jamoasi raqiblari G'arbiy Osiyo chempionatida ishtirok etishadi"

"Seshanba kuni Iroqda to'qqizinchi G'arbiy Osiyo chempionati start oladi. Ushbu turnir shunisi bilan qiziqki, unda O'zbekiston terma jamoasining JCH-2022 saralash bosqichidagi uch raqibi - Saudiya Arabistoni, Yaman va Falastin ishtirok etadi.

Saralash musobaqasi boshlanishiga bir oydan ko'proq vaqt olganini hisobga olsak, G'arbiy Osiyo chempionati bo'lajak raqiblarning kuchiga baho berish uchun yaxshi imkoniyat.

To'g'ri, Saudiya Arabistoni terma jamoasi Iroqqa eng kuchli tarkibini yubormaydi. CHunki avgustning dastlabki ikki haftasida CHempionlar ligasi 1/8 final o'yinlari bo'lib o'tadi va unda Saudiyaning 4ta klubi ishtirok etadi. Falastin ham optimal tarkibda kelmaydi, chunki Evropa, Afrika, Janubiy va SHimoliy Amerikadagi klublarda o'ynayotgan legionerlar kela olishmaydi.

SHunga qaramay bu turnir natijalarni kuzatishga arziydi.

Aytgancha, birinchi G'arbiy Osiyo chempionatida mehmon sifatida taklif etilgan Qirg'iziston va Qozog'iston terma jamoalari ishtirok etishgan. Turnirda zafar quchish bo'yicha rekord rasman G'arbiy Osiyoga kirmaydigan Eronga tegishli. Eronliklar 8ta turnirning 7tasida ishtirok etishgan. Ammo 2014 yil Markaziy Osiyo Futbol associaciyasi yaratilgandan boshlab  Eron G'arbiy Osiyo chempionatida ishtirok etmayapti.

Ko'rfaz futbol federaciyasiga kiruvchi mamlakatlardan farqli o'laroq BAA terma jamoasi hech qachon bu chempionatda ishtirok etmagan. Bu safar ham BAA bo'lmaydi, bundan tashqari Ummon va Qatar musobaqada qatnashmaydi. So'nggi ikki terma jamoa noyabr-dekabr oylarida Qatarda bo'ladigan Ko'rfaz mamlakatlari chempionatida ishtirok etishadi. Quvayt, Iroq va Yaman terma jamoalari ikkala turnirda qatnashadi" - deb yozadi Nikimbaev.