Niderlandiya futzal termasi bosh murabbiyi: "O'zbekistonga qarshi o'yinga 100 foiz tayyor bo'lishimiz kerak, sababi..."

"Qura tashlash marosimidan so'ng Jahon chempionatini yanada orziqib kutaman. Ochilish o'yinini mezbon davlatga qarshi o'tkazish, albatta, ajoyib, lekin bu katta mashaqqatni ham talab etadi. U erda o'zbekistonlik muxlislar ko'p bo'ladi, shuning uchun biz birinchi kundanoq 100 foiz tayyor bo'lishimiz kerak. 

SHuningdek, yana bir qiyin raqib — Paragvay bilan to'qnash kelamiz. Bu jamoa Evropaning yirik klublarida to'p tepadigan ko'plab tajribali futbolchilarga ega hisoblanadi. Kosta-Rika haqida ko'p malumotga ega emasmiz, biroq kelgusi oylarda bu jamoani ham yaxshi o'rganamiz", – dedi ispaniyalik mutaxassis.

Eslatib o'tamiz, Niderlandiya "A" guruhida O'zbekiston, Paragvay va Kosta-Rika bilan bellashadi. Evropaliklar ilk o'yinni mezbonlarga qarshi o'tkazadi.