Neymar "Strasbur"ga qarshi o'yin tugamasidanoq "Park de Prens"ni tark etdi

PSJ hujumchisi Neymar Liga 1 16-turi doirasidagi "Strasbur"ga qarshi o'yinda (2:1) qizil kartochka olganidan so'ng his-tuyg'ularini jilovlay olmadi.

Canal+ xabariga ko'ra, braziliyalik futbolchi o'yin yakunini kutmasdan "Park de Prens"ni tark etdi.

Eslatib o'tamiz, 61-daqiqada Kleman Tyurpen Neymarga birinchi sariq kartochkani ko'rsatgan bo'lsa, oradan bir daqiqa o'tib ikkinchi ogohlantirishni taqdim etdi. Hakam hujumchi simulyaciya qildi deb hisobladi.

PSJ hujumchisi joriy mavsumda ilk bor qizil kartochka oldi. 30 yoshli braziliyalik ushbu mavsum parijliklar safida barcha turnirlarda 21 ta o'yinda maydonga tushib, 15 ta gol urdi va 13 ta golli uzatmani amalga oshirdi.