Nematulla Qutiboev: “Bugun biz raqibga jismonan yutqazdik”

Uchrashuvdan so'ng odatdagidek, har ikki jamoa ustozlarining fikrlari bilan qiziqdik. Garchi uchrashuvdan so'ng ortga qaytishga taraddud ko'rayotgan bo'lsada, nukusliklar bosh murabbiyi rayimizni qaytarmadi.

- Bilasizmi bugun biz raqibga jismonan yutqazdik. Nukusdan engil moshinada etib keldik. Yana ayrim futbolchilarimiz bugunning o'zida to'g'ri Andijonga etib keldi. O'zim ham Toshkentda PFLda ayrim futbolchilarni ro'yxatdan o'tkazib, keldim. Yo'l azobi anchagina qiynab qo'yadi. “UzDongJu” yaxshi jamoa. Nazarimda o'tgan yili nisbatan yaxshi jamoa tuzilgandi.

- Davralar oralig'ida har bir jamoa tarkibida o'zgarish bo'ladi. Ammo so'nggi yillarda “Orol”ni asosan bir xil tarkib bilan o'ynab kelayotganini ko'ryapmiz...

- (Jilmayib) Hammasi moliyaviy imkoniyatga bog'liq. Men istardim, chetdan kuchli futbolchilarni jamoamga olib kelishni. Lekin bunga ayrim sabablar to'sqinlik qiladi. Buni keng tarzda muhokama qilish mumkin. Aytishdan ham naf yo'q – deydi Nematulla Qutiboev.

Islombek Rustambekov suhbatlashdi.