"Neftchi" - "Paxtakor". Uchrashuv haqida malumotlar

Bu jamoalar oliy liga tashkil etilganidan boshlab uni tark etmagan uch klubning ikkisi sanaladi. Ular o'rtasidagi o'yinlar hamisha o'ziga xos principial to'qnashuvga aylanib kelgan. "Paxtakor" to'liq tarkib bilan tayyorgarlikni chorshanba kunidan boshladi. Terma jamoaga chaqirilgan 7 nafar futbolchi kechadan mashg'ulotlarga qo'shildi.

Uchrashuvni jamoamiz himoyachilari Davron Hoshimov va Adnan Oraxovac diskvalifikaciya sababli o'tkazib yuborishadi.

Qarama-qarshilik
Oliy ligada jamoalar 49 bor to'qnash kelishgan. 23 uchrashuvda "Paxtakor", 19 bahsda "Neftchi" g'olib chiqqan. 7 o'yin durang bilan tugagan. Jamoamiz 81, farg'onaliklar 65 to'p kiritishgan. Farg'onadagi bellashuvlarning 14tasida mezbonlar ustun kelgan bo'lsa, 5 martadan durang va jamoamizning muvaffaqiyati kuzatilgan.

O'yin rasmiylari
Bahsda Ilgiz Tantashev boshchiligidagi hakamlar guruhi ishlaydi. Joriy mavsum u "Nasaf" bilan bahsni boshqargan va uchrashuv 1:1 hisobida yakunlangandi.

"NEFTCHI" - "PAXTAKOR"
Hakamlar: Ilgiz Tantashev (Buxoro), Husniddin SHodmonov (Buxoro), Obid Jumaev (Navoiy), Akmal Rahimov (Andijon).
Nazoratchi: Sayfiddin Ermatov (Toshkent).
PFL vakili: Ahrol Inoyatov.

Yoshlar tarkiblari uchrashuvi 14 oktyabr, juma kuni 15:00da Qirgulidagi "Neftchi" SK stadionida boshlanadi. Asosiy jamoalar o'yini esa Farg'ona shahridagi "Istiqlol" stadionida 16:00da start oladi.