“Neftchi” – “Paxtakor”: O'zaro o'yinlaridagi 50-uchrashuv Farg'onada bo'lib o'tadi

Principial raqiblar o'rtasidagi qarama-qarshiliklar xar doim keskin kurashlarga boy o'tgan. Xabaringiz bor, joriy mavsumda “Neftchi” va “Paxtakor” klubilari o'rtasidagi dastlabki bahs Toshkentda bo'lib o'tdi. Unda farg'onalik futbolchilar uzoq yillik tanaffusdan so'ng Poytaxt klubini mag'lub etishga muvaffaq bo'lishdi.

Oradan ko'p o'tmay, muxlislar “Neftchi” va “Paxtakor” ishtirokidagi yana bir bahsga guvohi bo'ladilar. 15 oktyabr kuni Andrey Fyodorov jamoasi Farg'onada Toshkentning “Paxtakor” klubini qabul qiladi. Uchrashuv vaqti soat 16:00ga belgilangan. Bellashuv Farg'ona shahridagi “Istiqlol” stadionida bo'lib o'tadi. Odatga ko'ra, o'yindan bir kun avval xar ikkala jamoa o'rinborsarlari o'rtasidagi bahs ham o'tkazilinadi. Ushbu bahs Qirgulidagi “Neftchi” SK stadionida soat 15:00da boshlanadi.

Barcha muxlislarni ushbu o'yinlarga taklif qilib qolamiz!