"Neftchi" "Paxtakor" futbolchisini ijaraga oldi
06 fev 2018 18:39
Yangiliklar

"Neftchi" "Paxtakor" futbolchisini ijaraga oldi

Super liga-2018ga tayyorgarlik ko'rayotgan Farg'onaning “Neftchi” jamoasi 3 nafar futbolchi bilan shartnoma imzoladi.

Bu haqda farg'onaliklar rasmiy sayti xabar berdi.

2018-yilgi mavsum oldidan “Paxtakor” futbol klubi bilan shartnoma tuzgan Husniddin G'ofurov Toshkent klubidan ijaraga olindi. Yangi mavsumda G'ofurov o'zining sevimli va qadrdon jamoasi sharafini himoya qilishda davom etadi.

Xitoyda bo'lib o'tgan 23 yoshgacha bo'lgan futbolchilar o'rtasidagi Osiyo chempionatida g'oliblikni qo'lga kiritgan Abdujamol Isroilov klub bilan shartnomasini uzaytirdi.

O'zining “Qo'qon-1912″dagi o'yinlari orqali muxlislarga yaxshi tanishgan bo'lgan tajribali himoyachi Jalil Kimsanov farg'onaliklar safiga qo'shildi. Mazkur futbolchi bilan ham “Neftchi” PFK rasman shartnoma tuzdi.

"Neftchi" matbuot-xizmati

Havola :

Manba : Championat.asia

Yangiliklarni Telegramda o'qing!

Reyting: +16