"Neftchi" nazorat o'yinida Tojikiston jamoasini mag'lub qildi

Asosiy voqealar rivoji ikkinchi bo'limda sodir etildi. Uchrashuvning 46-daqiqasida chap qanotdan qarshi hujumga yuqori tezlikda kirib borgan Izzatilla Abdullaev tojikistonlik himoyachini chiroyli uslubda aldab o'tib, aniq zarba yo'lladi va hisobni ochdi 1:0. Uchrashuvning 70-daqiqasida hisobni yanada oshirish imkoniyati paydo bo'lgan edi. Ulug'bek Xoshimov qulay poziciyaga chiqib, uzatmani qabul qilib oldi va darvozabon bilan birga-bir vaziyatga chiqqach kuchli zarba berdi. Biroq, mehmonlar posboni mahorat ko'rsatib, to'pni qaytarishga erishdi.

Mehmonlar ham darvozamiz tomon bir necha bor xavfli hujum uyushtirishga erishib, 80-daqiqada jarima to'pini amalga oshirishdi. Bu vaziyatda mehmonlardan Nozim Bobojonovning yo'llagan kuchli zarbasi darvozamiz to'siniga tegib qaytdi. Aks holda hisob tenglashishi mumkin edi. 87-daqiqada faollik bilan harakatlanayotgan  Nozim Bobojonovning olis masofadan yo'llagan navbatdagi kuchli zarbasini bu safar Akbar To'raev qaytarib qoldi.

Uchrashuvning oxirgi daqiqalari jamoalarning ketma-ket qarshi hujumlari ostida o'tganligiga qaramay, hisob o'zgarmadi va yakunda jamoamiz minimal 1:0 hisobidagi g'alabani qo'lga kiritdi.

"Neftchi" - "Xo'jand" 1:0

Farg'ona shahri. "Istiqlol" stadioni

Gol:  Izzatilla Abdullaev 46.

"Neftchi": 12.Vladimir Nazarov , 2.Zoir Jo'raboev, 7.Umar Adhamzoda, 8.SHarof Muhitdinov, 13.Lutfulla To'raev, 19.Mirzohid G'ofurov, 20.Anvarjon G'ofurov, 21.Muxsinjon Ubaydullaev, 22.Georgiy Nikabadze, 23.Diyorjon Turopov, 24.G'ulom-Haydar Gulamov

Zaxiradan tushganlar: 45.Akbar To'raev, 3.Nodirxon Nematxonov, 5.Eduard Emsis, 9.Ulug'bek Hoshimov, 10.Sunnatilla Abdullajonov, 11.Izzatilla Abdullaev, 14.Rahmonjon Ro'ziev, 17.Abdulloh Olimov, 26.Aleksey Larin, 28.Fozil Musaev, 66.Doniyor Valiev, 70.Abbosjon G'ulomov, 77.Bilolxon Toshmirzaev

"Xo'jand": 1.Dilshod Dadaboev, 2.Fahriddin Axtamov, 3.Toni Bekatal, 23.Ramazan Naniev, 5.Firdavs Abdusalimov, 6.Xojiboy Ziyoev, 8.Ehson Boboev, 14.Azizbek Hayitov, 13.Nozim Bobojonov, 62.Jahongir Ergashev, 10.Dilshod Bozorov.

Zaxiradan tushganlar: 76.Zuhriddin Mo'ydinov, 4.Parviz Boqiev, 77.Muib Saidov, 17.Hushnudbek Bozorov, 7.Javohir Rasulov, 19.Azizbek Daliev