"Neftchi": Muxlislarni Namanganga chorlaymiz!

Derbi baribir derbi. Vodiy derbilari xar doim o'zining keskin va murosasiz kurashlari bilan ishqibozlarning diqqat markazida bo'lib kelgan. Bu safargi qarama-qarshilik ham bundan mustasno emas. Ikkinchi davrani ilk turini Farg'ona o'tkazib kerakli natijani qayd etgan Andrey Fyodorov ustozligidagi “Neftchi” futbolchilari ko'tarinki ruhda Namangandagi bellashuvga tayyorlanishmoqda. Aytish kerakki, “Bunyodkor” ustidan qozonilgan g'alabada “Istiqlol” stadionidagi muxlislarning qo'llab-quvvatlashi muhim ahamiyat kasb etdi. SHunday sabab “Neftchi” PFK barcha farg'onalik muxlislarni Namangan shahrida bo'lib o'tadigan “Navbahor” – “Neftchi” o'yiniga chorlaydi va o'z sevimli jamoalari “Markaziy” stadionda qo'llab-quvvatlab turishni istaydi! Aytib o'tish o'rinliki, xar doim namanganlik va farg'onalik muxlislar o'rtasida yaxshi aloqalar bo'lib kelgan. SHunday ekan navbatdagi bahsda ham vodiyliklarga mazkur do'stona munosabatlarni saqlangan holda qiziqarli bellashuvdan zavq olishlarini tilab qolamiz.

Malumot o'rnida, “Navbahor” – “Neftchi” o'yini 8 avgust kuni Namangan shahridagi “Markaziy” o'yingohda bo'lib o'tadi. Bahs soat 18:30da start olishi reja qilingan.