"Neftchi": Futbolchilarimiz terma jamoalarda

Xususan, 26-31 avgust kunlari Iordaniyada xorij yig'inini tashkil etadigan U-22 terma jamoamizga "Neftchi"ning uch nafar azosi ham chaqiruv olgan. Bular himoyachi Sardor Rahmonov, Abdulloh Olimov va Javohir Rasulovdir.

Aytish lozimki, ushbu futbolchilarimiz terma jamoaning oldingi yig'inlarida ham ishtirok etgandi. SHuhrat Maqsudov bosh murabbiyligidagi terma jamoa o'zining navbatdagi yig'inini o'tkazish uchun 26 avgust kuni Iordaniya poytaxti Amman shahriga jo'nab ketdi.

Ammanda 31 avgustgacha yig'in o'tkazadigan O'zbekiston U-22 yoshlari 30 avgust kuni mezbonlar - Iordaniya U-22 yoshlar terma jamoasiga qarshi o'rtoqlik uchrashuvini o'tkazadi.

Eslatib o'tamiz, O'zbekiston U-22 terma jamoasi kelasi yilning mart oyida o'tkazilishi rejalashtirilgan U-22 Osiyo CHempionati saralash bahslarida ishtirok etadi.

SHuningdek "Neftchi"ning yana bir iqtidorli himoyachisi Doston Tursunov ham U-19 terma jamoaning navbatdagi yig'iniga chaqiruv olgan. Ravshan Haydarov boshqaruvidagi terma jamoa kuni-kecha Toshkentda yig'ildi.