"Neftchi" - "chempion"...

CHempionat yakuniga oz qoldi. Superliganing 2-bosqichini qaysi jamoalar ko'ngildagidek o'tkazayotganini bilish maqsadida so'nggi 5ta tur (16-20) natijalariga diqqat qilamiz. 

Jizzax osmonida "qora bulutlar"

Kishining etiborini tortadigan birinchi jihat shuki, OFK kubogini (biz uchun) kutilmaganda tark etgan "So'g'diyona"ning ishlari ichki chempionatda ham yurishmayapti. Superligani yuqori kayfiyatda boshlagan Ulug'bek Baqoev shogirdlari oxirgi 5 o'yinda atigi 2 ochko jamg'arishdi. 

Sizni hayron qoldirishi mumkin, ammo bu ligadagi eng yomon natija hisoblanadi. Jizzaxning "bo'rilari" oxirgi 450 daqiqa mobaynida raqib darvozasini bor-yo'g'i 1 marta ishg'ol qilishdi (Pro liga yo'llanmasi uchun asosiy davogar bo'lib turgan, "Dinamo" futbolchilari ham bu orada 5 ta gol urishgan).

"Navbahor" etakchilikni boy berdi

15-turdan keyin Samvel Babayan shogirdlari musobaqada karvonboshilik qilayotgan edi. Biroq, keyingi davrda faqatgina "Qizilqum" mag'lub qilingani bois, "Paxtakor" va "Nasaf" Namangan klubidan o'zib ketdi. 

Oxirgi turlarda "Qo'qon-1912" va "Paxtakor"ning mag'lubiyatsiz seriyasiga yakun yasagan Ro'ziqul Berdiev shogirdlari ayni paytda oltin medallar uchun asosiy davogar bo'lib turishibdi.

SHuningdek, "ajdarlar" o'yin sifati borasida ham yaxshiroq ko'rinayotganini unutmaslik kerak. CHempionatning ortda qolgan davrida barchadan ko'proq (32) to'p kiritgan "Nasaf" futbolchilari gol o'tkazmaslik borasida ham eng yaxshi natijani qayd etishyapti (10).

Levchenkoga tasanno!

Tojikistonlik mutaxassis kelganidan keyin "Neftchi"da juda katta progress kuzatildi. Mo'minjonov boshchiligida 1-davrani 13-o'rin bilan yakunlagan farg'onaliklarni aynan Vitaliy Levchenko qutqarib qoldi, desak ham mubolag'a bo'lmaydi. Uning jamoasi oxirgi 5 turda 13 ochko to'pladi. Bu Superligadagi eng yaxshi natija bo'lib turibdi... 

Qolgan klublarning 16 — 20-turlarda qayd etgan statistikasi bilan tanishing. Jadvalda "Neftchi" chempion...

Muallifning telegramdagi kanali → FR| futbol ANALIZI