Nazorat bahsi. "Dinamo" Armanistonning eng sovrindor jamoasini mag'lub etdi

Vadim Abramov shogirdlari ikkinchi bo'limda raqib darvozasiga javobsiz uchta to'p kiritishdi.

Xalqaro o'rtoqlik o'yini. Ajman (BAA)

"Pyunik" (Armaniston) — "Dinamo" (O'zbekiston) — 0:3

Gollar: Firdavs Abdurahmonov 52' (0:1), Anvarjon Hojimirzaev 65' (0:2), Xislat Xalilov 74' (0:3).

Anvarjon Hojimirzaev dastlab Firdavs Abdurahmonovning goliga assistentlik qilgan bo'lsa, keyinroq o'z goli bilan hisobni oshirdi. Yakunda esa Xislat Xalilovning goliga ham zamin yaratib, o'yinni 1 ta gol va 2 ta golli uzatma bilan yakunladi.

"Dinamo" asosiy tarkibi: Ravshanbek Yagudin, Ulug'bek Abdullaev, Mahammadu Dembele, Jahongir O'rozov, Mauro Brazil, Til Mavretich, Akbar Xudoyberdiev, Nurillo To'xtasinov, Rasul Yo'ldoshev, Bektemir Abdumannonov, Mirjahon Mirahmadov.

Zaxiradan tushganlar: S. Qodirqulov, J. Jumaboev, D. Salou, J. Abdusalomov, F. Abdurahmonov, X. Xalilov, A. Amonov, A. Hojimirzaev, U. Hoshimov.