"Navbahor"dan bugun kim o'zini ko'rsatadi? "Andijon"ni qaysi futbolchi tark etadi? Sanjar Asqaraliev bilan vodiy derbisi oldidan

Mazkur derbiga odatdagidek qiziqish katta, deya olamiz. Viktor Jalilov murabbiyligidagi "Navbahor" oltita uchrashuvdan beri mag'lubiyatsiz seriya qayd etayotgan bo'lsa, "Andijon" joriy mavsum hali g'alaba qozona olmadi. Tarkib va futbolchilarning darajasi jihatdan mezbonlarda kichik ustunlik bor, deya olamiz. Biroq "Andijon" ham so'nggi uchrashuvlarda o'z o'yinini topib olayotganini payqash qiyin emas. Faktlarga etibor beradigan bo'lsak, "Andijon" "Navbahor" maydonida hali g'alaba qozona olmaganini ko'rishimiz mumkin. 

Biz esa qiziqarli o'tishi kutilayotgan o'yindan oldin o'z vaqtida ushbu ikki jamoa tarkibida to'p tepgan sobiq futbolchi Sanjar Asqaralievning fikrlari bilan qiziqdik.

- Bugungi derbida qaysi jamoaning imkoniyatlarini yuqori baholaysiz?

- Fikrimcha, ushbu uchrashuvda "Navbahor" g'alabani o'zinki qiladi. "Andijon" esa barchamiz kutayotgan o'yinni namoyish qila olayotgani yo'q. Mezbonlar shu paytgacha o'z maydonida "Andjion"ga mag'lub bo'lmagan. Bugun ham mazkur anana davom etishi mumkin. SHuningdek "Navbahor"ga o'z muxlislari ko'z o'ngida to'p tepayotgani qo'shimcha kuch berishi tabiiy/

- Odatda derbilarda o'yin bir chetda qolib, hakamlar asosiy planga chiqadi. Bugungi hakamlik qanday o'tishini taxmin qilasiz?

- Hakamlarga bugungi kunda ikki barobar ko'proq qiyin bo'lmoqda. Birinchi o'rinda derbi, uchrashuv darajasi. Ikkinchidan hakamlar xato qilishdan qo'rqishmoqda. Bilasiz, xato qilaman, degan inson qo'rqsa baribir o'sha xatoni qiladi. Lekin Zokir Qodirovning tajribasiga ishonaman. O'yinni yaxshi boshqaradi, degan umiddaman".

- Faoliyatingizda eng yodda qolgan derbi qaysi bo'lgan?

"Ha, esimda. 2012 yil Farg'onaga qaytib borganman. O'shanda "Navbahor" rahbarlari bilan kelisha olmagandim. Biz 3:0 hisobida g'alaba qozonganmiz". 

- Bugun qaysi futbolchilar o'zini ko'rsatadi?

"Navbahor"da Ivan Solavyov o'zini ko'rsata oladi, deb o'ylayman. "Andijon"dan Ibrohim Otaxonovga omad tilayman. Eshitishimcha, Jasur Jaloliddinov jamoani tark etar ekan. Umuman olganda bugun ikki jamoa ishtirokida chiroyli o'yin kutib qolaman".

Abdulaziz Iskandarov yozib oldi