"Navbahor" vs "Nasaf". Finalda kim gol uradi?
27 okt 2022 02:56
Yangiliklar

"Navbahor" vs "Nasaf". Finalda kim gol uradi?

Teglar : "Navbahor"O'zbekiston kubogi final "Nasaf"

Namangan klubi sal kam chorak asrlik tanaffusdan keyin mamlakat kubogida zafar quchishi mumkin.

Buning uchun "Nasaf" Buxoroda taslim qilinishi kerak. Bo'lajak "jang" g'olibini bilmasak ham, oldingi finallar natijasini tahlil qilish imkoniyatiga egamiz.

24 yillik “kambek”

“Navbahor” kubok finalida so'nggi bor 1998 yilda o'ynagan edi. O'shanda SHuhrat Rahmonqulov bilan Anvar Solievning gollari “Neftchi”ni engish uchun etarli bo'lgan.

Umumiy statistika shunday: Namangan klubi 4 marta finalga chiqib, ulardan 3tasini o'z foydasiga hal qilgan. Yagona mag'lubiyat 1993 yilda “Paxtakor”dan qabul qilingan.

1992 yil
“Navbahor” 0:0 “Temiryo'lchi” (hozirgi “Qo'qon-1912”)
Penaltilar seriyasida 6:5 hisobi qayd etilgan.
1993 yil
“Navbahor” 0:3 “Paxtakor”
Gollar: No'mon Hasanov, Mirjalol Qosimov, Rifat Galeev.
1995 yil
“Navbahor” 1:0 MHSK
Gol: Aleksey Vinnikov
1998 yil
“Navbahor” 2:0 “Neftchi”
Gollar: SHuhrat Rahmonqulov, Anvar Soliev

8-urinish

“Nasaf” esa 7 marta O'zbekiston kubogi finalida qatnashib, ulardan 5tasini Toshkent klublariga yutqazgan. 7 ta gol urib, 12ta o'tkazib yuborgan. “Ajdarlar” musobaqaning amaldagi g'olibi hisoblanadi.

Qashdaqadaryo klubi safida quyidagi futbolchilar to'p kiritgan: Dilshod Mavlonov, Jahongir Jiyamurodov, Ilhom Yunusov, Artur Gevorkyan, SHerzod Azamov, Bahrom Abdurahimov hamda G'olib G'aybullaev.

Fakt: 30 oktyabr kuni maydonga tushishi mumkin bo'lgan futbolchilardan 4 nafarida O'zbekiston kubogi finallarida gol urish tajribasi bor. Eng qizig'i, ularning hech biri hujumchi emas: “Navbahor”dan Yovan Jokich (2) va Stanislav Andreev, “Nasaf”dan Bahrom Abdurahimov bilan G'olib G'aybullaev.