"Navbahor": Tarbiyalanuvchilarimiz g'alaba bilan boshlashdi
07 iyu 2017 15:13
Yangiliklar
![](https://championat.asia/upload/storage/258293_original.jpg)
![](/upload/storage/258293_220.jpg)
"Navbahor": Tarbiyalanuvchilarimiz g'alaba bilan boshlashdi
“S” guruhida “Navbahor” futbol klubi qoshida faoliyat yuritayotgan “Navbahor-Umid” futbol maktabi tarbiyalanuvchilari “Navbahor” sharafini himoya qilishadi. Guruhda tarbiyalanuvchilarimizga “Neftchi” (Farg'ona), “Metallurg” (Bekobod), “Olmaliq” (Olmaliq) va “Qo'qon-1912” (Qo'qon) klublaridagi tengqurlari raqiblik qilishadi.
Dastlabki turda tarbiyalanuvchilarimiz “Metallurg” jamoasi bilan bahs olib borishdi. Namangandagi “Markaziy” o'yingohda bo'lib o'tgan uchrashuvda yosh futbolchilarimiz 4:1 hisobida g'alaba qozonishdi. O'yinning 14-daqiqasida Kamoliddin Mirg'iyosov hisobni ochishga erishdi. Bo'lim yakunlanishi arafasida Abdulaziz Jalilov chap qanotdan oshirib berilgan to'pni boshi bilan darvozaga yo'llab, g'alabani mustahkamladi. Tanaffusdan keyin bekobodlik yoshlar harakatida faollik ko'zga tashlandi. Bu hol 59-daqiqada hisobdagi farqni qisqarishiga olib keldi. Bobir Abdumajidov yoshlarimiz darvozasini nishonga oldi. Oradan hech qancha vaqt o'tmay Jasurbek Bahodirov o'ng qanotdan oldinga intilib, olis masofadan burama zarba yo'llab hisobni 3:1 ko'rinishiga keltirib qo'ydi. 73-daqiqada esa Islombek Karimov o'yindagi yakuniy natijani 4:1 ko'rinish hosil qilishini taminladi.
Dastlabki turning ikkinchi uchrashuvida “Olmaliq” o'z maydonida “Qo'qon-1912” jamoasini qabul qiladi. “Neftchi” jamoasi esa birinchi turda dam oldi. 2-turdan o'rin olgan o'yinlar 14 iyun sanasiga belgilangan. SHu kuni yoshlarimiz Farg'onada “Neftchi” klubi mehmoni bo'lishadi. “Metallurg” esa “Olmaliq” jamoasini qabul qiladi. Guruh bosqichi 23 avgust kuni yakuniga etadi.
Oliy liga tayyorlov guruhlari birinchiligi. "S" guruhi. 1-tur.
“Navbahor” – “Metallurg” – 4:1 (2:0). 7 iyun. Namangan. “Markaziy” o'yingoh.
Hakamlar: M.Majidov, R.Odilov, R.Galiev, M.Mamatxonov.
Gollar: K.Mirg'iyosov (14), A.Jalilov (39), J.Bahodirov (61), I.Karimov (73) – B.Abdumajidov (59).
Ogohlantirishlar: K.Abdusalomov (69), J.Nurmatov (79, ikkalasi ham “Metallurg”).
O’xshash yangiliklar
![AMP Logo](https://championat.asia/image/logo-amp.png)
Fikrlar