"Navbahor": Tayyorgarlik davom etmoqda

 Hafta boshida bir kunlik tatildan keyin futbolchilarimiz mashg'ulotlarga kirishishgandi. “Nasaf”ga qarshi uchrashuv birinchi bo'limida jarohat olib malum vaqt davomida mashg'ulotlarda qatnasha olmagan darvozabon Aleksandr Melenchuk ham safga qaytdi. Qolgan futbolchilarning barchasi yig'inda to'liq kuch bilan qatnashmoqda. “Olmaliq” bilan bo'lib o'tadigan uchrashuvda Sergey Georgiev diskvalifikaciya tufayli maydonga tusha olmaydi. Aksincha diskvalifikaciya muddatini o'tab bo'lgan Bobir Akbarov uchrashuvda ishtirok etish imkoniga ega.

23 may kuni bo'lib o'tadigan uchrashuvni Vladislav Ceytlin boshqaradi. Unga qanotlarda poytaxtlik Olim Abduvosilov va Timur Gaynulinlar yordam berishadi. Farg'onalik Ravshan Kapadze zaxira hakami sifatida qayd etilgan. Nazoratchilik esa poytaxtlik Radik Seraziddinov zimmasiga yuklatilgan. Namanganga PFL vakilii sifatida O'FF hakamlar va nazoratchilar departamentiing hakamlar va nazoratchilarni tayinlash bo'limi boshlig'i Bobur Haydarov tashrif buyuradi.