"Navbahor": Navbatdagi o'yin 26 yanvarda bo'ladi

Yanvar oyi boshida tibbiy ko'rikdan o'ta olmagan va tarkibga kechroq qo'shilgan futbolchilar tibbiy ko'rikdan o'tishdi. Tarkibda aytarli o'zgarishlar kuzatilmaganligini aytib o'tish joiz. Yig'inda ishtirok etayotgan iqtidorli hujumchilardan biri Ilhom Aliboev Namanganga qaytib yoshlarimiz safida "Hokim kubogi"da ishtirok etadi. SHuningdek, jamoada ko'rikdan o'tish uchun taklif etilgan Bobir Tillaboev (“Lokomotiv”), SHuhrat Hamidov (“Xotira-79”)lar “Hokim kubogi” musobaqasida yoshlarimizga yordam berishadi. Asosiy tarkib vakillari Toshkentdagi navbatdagi nazorat uchrashuvini 26 yanvar kuni “Buxoro” jamoasiga qarshi o'tkazishadi.