"Navbahor" "Nasaf" va "Bunyodkor" futbolchilarining transferini sotib olish bo'yicha so'rov yuborgan

Dastlab "Nasaf"ning uchala futbolchisi - o'ng qanot himoyachi Dilshod Saitov, hujumkor vinger Islom Kenjaboev hamda yarim himoyachi Islom Rashidxonovning transferi bo'yicha qarshiliklarga rasman taklif bilan chiqqandi.

"Navbahor"ning rejalari katta: Qishki transfer oynasida "Nasaf"dan 3 futbolchini xarid qilmoqchi

Video            "Bunyodkor" bosh direktori: "Navbahor" 4 futbolchimizni transfer qilmoqchi, ikki o'yinchimiz bilan keyingi hafta shartnomani bekor qilamiz" 

Namanganliklar bundan tashqari "Bunyodkor" akademiyasi tarbiyalanuvchilari - o'ng qanot himoyachisi Dilshod Ahmadaliev, markaziy yarim himoyachi Nurillo To'xtasinov, hujumkor yarim himoyachi Jasur Jaloliddinov hamda Sanjar Qodirqulov bo'yicha taklif bilan chiqqan.

Buni "Bunyodkor" bosh direktori Ulug'bek Mirzaev ham tasdiqladi.

Malumot o'rnida shuni aytish kerakki, "Navbahor" transferini sotib olmoqchi bo'lgan "Bunyodkor"ning 17 yoshli vunderkindi Jasur Jaloliddinov namanganliklar safiga borishdan ko'ra Italiya B Seriyasi peshqadami bo'lib turgan "Benevento" variantini ikkilanishsiz qabul qilgan va uning "Navbahor"ga o'tmasligi oydinlashgan. Qolgan uchala futbolchini esa transferi masalasi bo'yicha "qaldirg'ochlar"ning joriy mavsum qaysi o'rinni egallashi va OCHLda o'ynash yoki o'ynamasligidan kelib chiqib muzokaralar davom ettirilishi mumkinligi takidlandi.

Video             Rasman: Jasur Jaloliddinov Italiyaga ketadi, kelasi mavsum u A Seriyada o'ynashi mumkin 

Eslatib o'tamiz, "Navbahor" klubi bir oycha avval jamoaning rossiyalik himoyachisi Igor Golban bilan 2023 yilga qadar shartnomani uzaytirgandi.