"Navbahor": “Andijon” bilan kuchlar teng keldi

Uchrashuvni qay suratda o'tganini yoritishdan avval, “lochinlar” safidagi o'zgarishlarga to'xtalib o'tsak. Jamoaga “SHo'rtan”dan darvozabon Pavel Leus hamda birinchi davrani “Qizilqum”da o'tkazgan himoyachi Timur Yafarovlar tarkibga qo'shilishdi. Murabbiylar andijonliklarga qarshi bahsda ushbu futbolchilarni sinovdan o'tkazib ko'rishdi.

“Vodiy derbisi”da kuchlar teng keldi. Mezbonlar safida Asqar Jadigerov jarima to'pidan unumli foydalanib, uchrashuvda hisobni ochgan bo'lsa, “Navbahor” nomidan Ayubxon Gapparov Akram Baxriddinovning uzatgan to'pidan so'ng javob qaytarib, hisobni tengladi. Birinchi bo'limda “Navbahor” murabbiylar ikkinchi tarkibni maydonga tushirishdi. Bahsning ikkinchi yarmida esa asosiy tarkib harakat qildi. Pavel Leus hamda Ayubxon Gapparovlar esa uchrashuvda to'liq 90 daqiqa tshp surishdi.

O'yinda “Andijon” quyidagi tarkibda o'ynadi: Yuriy Coy (Sergey Smorodin, Akmal Tursunboev), Afzal Azizov (Rahim Qodirov), Ikrom Ibragimov (Dilmurod Mahmudov), Davron Tursunov (Aziz Qayumov), Asror Rahmonov (Furqat Hasanboev), Alisher To'xtasinov (Sardor Soibov), Bahrom Abdurahimov (Tohir Mahmudov), Bekzod G'oziev, Asqar Jadigerov (Akmal Jo'raboev), Rasul Rahmonov (Anvar Abduqodirov), Dmitriy Kraev (Lochin Soliev)

“Navbahor” tarkibi esa quyidagicha ko'rinish oldi: Pavel Leus, Botir To'raboev, Qahramon Mahammadjonov, Timur Yafarov, Durbek Umaraliev, Muhammad Rasulov, Sobir Hamidov, Akram Baxriddinov, Abdulaziz Sultonov, Ayubxon Gapparov, Oyatillo Muxiddinov.

Zaxiradan maydonga tushganlar: Rustam Azamov, Timur Sultonov, Jahongir Mehmonov, Ilhom Boydedaev, Ahrol Risqullaev, Leonid Koshelev, G'ayrat Jo'raev, Azim Ahmedov, Ro'zim Ahmedov.