Nasafni Osiyoda chempion qilgan murabbiy Qozog'istonga taklif qilindi

Tengrinews.kz xabariga ko'ra, jamoa bosh murabbiyi nomiga davogarlar orasida bolgariyalik Ili Iliev, serbiyalik Lyubko Petrovich va germaniyalik Xolger Fax ham bor.

Jamoaning yangi bosh murabbiyi nomi Qozog'iston chempionati 2-turidan o'rin olgan Ordabasi va Astana jamoalari o'rtasidagi uchrashuvdan so'ng malum bo'lishi kutilmoqda. Ordabasining avvalgi bosh murabbiyi – ukrainalik Viktor Pasulko esa nima uchun mavsum oralig'ida sust transfer siyosati olib borilgani haqidagi savollarga javob berishni xohlamagani uchun istefoga chiqish haqida ariza yozgan.

Qayd etish joiz, Viktor Pasulko o'z vaqtida O'zbekistonning SHo'rtan jamoasida, Anatoliy Demyanenko esa Nasaf jamoasida ish olib borgan. Pasulko O'zbekistondagi faoliyati davomida katta yutuqlarga erishmagan bo'lsa-da, Demyanenko Qarshi jamoasi bilan etiborga molik natijalarni qayd etgan.

Jumladan, 2011 yilgi mavsum yakunlariga ko'ra Nasaf Demyanenko qo'l ostida Osiyo klublarining ikkinchi darajali musobaqasi – OFK Kubogida g'olib chiqqan, shuningdek, O'zbekiston Kubogi finaliga etib borgan, Oliy Liga bahslarida kumush medallarni qo'lga kiritgan.