"Nasaf": Yosh tarbiyalanuvchilarga diplomlar topshirildi

Tadbir avaalida “Nasaf” PFK prezidenti Odil Temirov, Germaniya futbol federaciyasi va Germaniya  Olimpiya qo'mitasining ayollar futboli bo'yicha yo'riqchisi Monika SHtab so'zgi chiqishib, “Nasaf” futbol akademiyasining  futbolimiz rivojiga qo'shayotgan hissasi haqida to'xtalib o'tishdi.

SHundan so'ng futbol maktabini tugatgan 25 nafar bitiruvchilarga diplom va medallar topshirildi.

Darhaqiqiqat, joriy yilda futbol maktabining 1999 yilda tug'ilgan jamoasi ikkinchi liga bahslarida chempionlik va viloyat kubogini qo'lga kiritish bilan birga tayyorlov guruhlari o'rtasida o'tkazilgan mamlakat birinchiligida kumush medallarga ega chiqishdi. Jamoa darvozaboni Umidjon Ergashev allaqachon “Nasaf” jamoasi asosiy tarkibida mashg'ulotlar olib borayotgan bo'lsa, Islom Kenjaboev o'rinbosarlar tarkibida muntazam maydonga tushib kelmoqda.
 
Tadbirda “Nasaf” PFK bosh menejeri SHamil Yarulin, jamoa sport direktori Vitaliy Ni, bosh murabbiy Ro'ziqul Berdiev, futbol maktabi direktori Sergey Kucherenko so'zga chiqishib, yosh futbolchilarning keyingi faoliyatiga omadlar tilashdi.