"Nasaf" raqibi “Al-Xidd” haqida

Jamoa 31 yanvar kuni Osiyo chempionlar ligasining o'tish bosqichida Bahraynning “Al-Xidd” jamoasini qabul qiladi. Uchrashuv “Bunyodkor” stadionida soat 16:00da boshlanadi.

Bahrayn mamlakati jamoalari yurtimiz futbol klublari bilan juda kam uchrashuv o'tkazishgan. Bu bilan ushbu mamlakat futbol jamoalari bizga unchalik malum emas. Aniq qilib aytadigan bo'lsak, malumotlar kam.

Biz quyida bo'lajak raqib haqida umumiy malumotlarni etiboringizga havola qilayapmiz.

Klubning to'liq nomi: “Al-Xidd” sport va madaniyat klubi (AL HIDD (BHR)
Klub rahbari: Axmad Salmon Almusallam
SHahar: Muxarraq shahri, Bahrayn
Tashkil etilgan yili: 1945 yil
Stadioni: Bahrayn milliy stadioni, Al-Rifa shahri, sig'imi 35580 o'rin
Bosh murabbiyi: Iso Alhamdani (Bahrayn)
Musobaqa: Bahrayn premer-ligasi (10ta jamoa)
Laqabi: “cunami”

Bahrayn premer-ligasi 1952 yili tashkil etilgan va kuz-bahor tizimida o'tkaziladi. Ligada jami 10ta jamoa ishtirok etadi. Oxirgi o'rinni egallagan jamoa 1-ligaga tushib ketadi. Amaldagi mamlakat chempioni “Al-Xidd” klubi hisoblanadi.

“Al-Xidd” futbol klubi 1945 yilda tashkil etilgan. O'tgan 2014/15 yilgi Bahrayn premer-ligasida  o'z tarixidagi ilk chempionlikni nishonlagan.

Bu yilgi mavsumda 9ta o'yin o'tkazib, turnir jadvalini 7-pog'onasini band etib turibdi. Bo'lib o'tgan 9 uchrashuvning ikkitasida g'alaba, 4 uchrashuvda durang va uch uchrashuvda mag'lubiyatga uchragan. Raqiblari darvozasini 8 marta ishg'ol qilib, o'z darvozalaridan 10ta to'p olib chiqishgan.

Ayni paytda Bahraynda kubok bahslari bo'lib o'tmoqda. Raqib dekabr oyida jami 4ta uchrashuvda maydonga tushdi. SHulardan 2tasi Bahrayn premer ligasi uchrashuvi bo'lsa, qolgan 2tasi Bahrayn kubogi uchrashuvlaridir. Premer liga uchrashuvlarining ikkalasida ham mag'lubiyatga uchragan “Al-Xidd” klubi, kubok bahslarining birida 4:0 hisobida g'alaba qozondi. 30 dekabr kuni bo'lib o'tgan “Manama klub” jamoasi bilan bo'lgan uchrashuvda esa yirik 5:0 hisobida mag'lub bo'ldi.

“Al-Xidd” klubi navbatdagi rasmiy uchrashuvni 5 yanvar kuni “Najma Manama” klubi bilan o'tkazadi. Bu uchrashuv Bahrayn Futbol Assosaciyasi Kubogi doirasida bo'ladi.

“Al-Xidd” jamoasi tarkibida mahalliy futbolchilar bilan birgalikda legioner futbolchilar ham faoliyat yuritadi. Davralar oralig'ida raqib tarkibida o'zgarishlar yuzaga kelishi ham mumkin. Lekin hozircha jamoa tarkibida uch nafar nigeriyalik va bir nafar iordaniyalik legioner futbolchilar bor. Bular,  Efidayo Omasui, Uche Agba, Okarandut Orok, Muhammad Aldovudlardir.

“Al-Xidd” klubining ikki o'yinchisi Bahrayn terma jamoasi sharafini ham himoya qilishadi. Bular darvozabon - Abbos Ahmad, hujumchi – Abdulvahob Almaludlardir.

Raqib tarkibi haqidagi  to'liq malumotni keyinroq etiboringizga havola qilamiz.