"Nasaf" "Neftchi" bilan o'yinga jiddiy tayyorlanmoqda (FOTO)

Ro'ziqul Berdiev boshchiligidagi "Nasaf" jamoasini 10-turda qiyin sinov kutmoqda. "Ajdarlar" navbatdagi o'yinni safarda chempionat peshqadami bo'lib turgan "Neftchi"ga qarshi o'tkazishadi.

Kecha kechqurun jamoa o'z qarorgohida mashg'ulot o'tkazdi va kechki reys orqali Toshkentga parvoz qildi. "Nasaf" delegaciyasi bir kunni poytaxtda o'tkazishadi va ertaga Farg'ona tomon otlanishadi.

Biz "ajdarlar"ning "Neftchi"ga qarshi o'yini oldidan o'z qarorgohlarida o'tkazgan so'nggi mashg'ulotini kuzatib bordik.

Mashg'ulot oldidan barcha futbolchilar 10-15 daqiqa personal ravishda ishlashdi. Keyinchalik barcha futbolchilar bir guruh bo'lib yugurishdi.

Faqatgina "Nasaf"ning chap qanot himoyachisi Botir Qoraev yakka tartibda shug'ullandi.

Mashg'ulotlarga odatdagidek jamoa bosh murabbiyi Ro'ziqul Berdiev boshchilik qildi. Unga yordamchi murabbiylar SHuhrat Toshpo'latov hamda jismoniy tayyorgarlik bo'yicha murabbiy Ilnur Sibagatullin ko'maklashishdi.

Darvozabonlar murabbiyi Denis Ivankov esa o'z shogirdlari Eldorbek Suyunov, O'tkir Yusupov hamda Alibek Turopovlarni shug'ullantirdi. 

Futbolchilar Farg'onadagi bahsga jiddiy hozirlik ko'rishayotgani mashg'ulotlarda sezilib turdi.

Quyida mashg'ulotlardan olingan suratlarni tomosha qilishingiz mumkin.

Foto: Sardor Nurov

SHahboz Beg'amov