“Nasaf” ko'rigidagi sloveniyalik Roy Rok haqida qisqacha

Bir necha kundan bo'yon “Nasaf” safiga qo'shilgan sloveniyalik chap qanot himoyachisi bo'lgan 28 yoshli – Roy Rok ko'rikdan o'tmoqda. Roy Rok 1986 yil 10 avgustda tug'ilgan. Sloveniya fuqarosidir.

Roy Rok o'z faoliyatini Sloveniyaning eng kuchli jamoasi – “Maribor”da boshlagan. So'ng “Melenchik” klubiga o'tgan, bu klubda ozroq faoliyat yuritgach yana qadrdon “Maribor” klubiga qaytib kelgan.

Roy Rok o'z faoliyatida birinchi marta kuchini sinab ko'rish uchun xorijga yo'l oladi. U avstriyaning “Volfsberger” klubida bir yil o'ynagach yana yurtiga qaytib keladi. Navbatdagi xorijga chiqishgacha u “Sentura”, “Olimpik” va “Rudara” jamoalarida to'p tepishga ulgurgan. SHundan so'ng Roy Rok gollandiyaning birinchi divizionida qatnashadigan “Volendam” jamoasida o'ynagan. “Volendam” jamoasidan o'tgan yili Qozog'istonning Jambil shahri “Taraz” klubiga ko'chib o'tadi.

“Taraz” bilan bir yillik shartnoma imzolagan Roy Rok 24 marta maydonga tushib, bir marta gol urishga erishgan. U mavsum yakuniga etkach yana o'ziga yangi klub qidira boshladi.

Ayni paytda Roy Rok Antaladiiyada “Nasaf” ko'rigidan o'tmoqda. U Ro'ziqul Berdiev “imtihon”idan o'tsa, jamoa bilan shartnoma imzolashi mumkin. Eslatib o'tamiz, hozirda “Nasaf”ning chap qanot himoya chizig'ida 35 yoshni qoralab qo'ygan – katta tajriba sohibi Botir Qoraev o'ynab kelmoqda.