“Nasaf” barcha o'yinchilar bilan shartnomani uzaytirdi

Klub rahbariyati shartnoma muddati tugagan o'yinchilar bilan ham qaytadan shartnoma imzoladi.

Demak, jamoani faqat Igor Taran tark etdi. Uning o'rniga ukrainalik legioner Oleksandr Kablash bilan shartnoma imzolandi. Endi “Nasaf” safidagi legionerlar soni ikkitaga etdi. Ammo, klub sport direktorining fikrlariga ko'ra, selekciya ishlari hali davom etmoqda.

Jamoa 22 yanvar kuni ertalab, Toshkent shahridan Turkiya sari parvoz qiladi. Murabbiylar shtabining rejasiga asosan Turkiyadagi qishki o'quv yig'in mashg'ulotlari uch hafta davom etadi. Ana shu yig'in mobaynida oltita nazorat uchrashuvlari o'tkazish ham muljallangan. Klub rahbariyati va murabbiylar shtabi shuningdek Turkiyadagi o'quv yig'in davomida bir qancha xorijlik futbolchilarni ham ko'rikdan o'tkazishmoqchi.

Klub rahbariyati va murabbiylar guruhi jamoa tarkibini imkon qadar kuchaytirish payida bo'lishayapti. CHunki bu yil jamoa OCHLda yurtimiz shanini ham himoya qiladi. Bunga esa borgan sari oz muddat qolmoqda. Eslatib o'tamiz, “Nasaf” futbol klubi uchun bu yilgi futbol mavsumi ertaroq boshlanadi, yani 25 fevral chorshanba kuni o'z maydonida OCHL-2015 guruh bosqichi birinchi turini Eronning (Tabrez shahri) “Traktorsozi” jamoasiga qarshi o'tkazadi.