Nagelsmann Kanseluning debyutiga baho berdi

Nemis klubining yangi futbolchisi o'zini ko'rsatishi uchun ko'p vaqt kerak bo'lmaydigan ko'rinadi. Myunxen klubining Germaniya Kubogi doirasida "Maync" ustidan 4:0 hisobida g'alaba qozonilgan o'yinda Joau Kanselu debyut qildi.

U yanvardagi transferlar oynasida jamoaga juda kech olib kelingan bo'lishi mumkin. Lekin bu kutilmagan kelishuv emasdi. Futbolchi buni mamlakat kubogining chorak final bosqichida 17 daqiqa o'ynab isbotladi. U yangi jamoadoshining goliga ajoyib uzatmani amalga oshirdi. Jamoa bosh murabbiyi Yulian Nagelsmann uzoq vaqtdan buyon jamoasida qanot himoyachisini keltirish haqida o'ylar edi. Lekin hatto Nagelsmann uchun ham yangi ijaradagi futbolchining bunchalik tez o'zini ko'rsatishini uning o'zi ham tasavvur qilmagan bo'lsa kerak. Mutaxassis u haqida:

"U oldinga o'tishda juda kuchli, o'ng qanotda o'ynashni afzal ko'radigan to'liq himoyachi".

Kanseluning to'p bilan o'ynashdagi sifatlari ajablanarli emas. U bir necha mavsum Gvardiola jamoasida qanot himoyachisi bo'lib harakatlandi. U himoyada etarlicha mustahkam turib beradi, yarim himoyaga kirishish, raqibni qabul qilib olish va olisdan zarba berish uchun mahoratga ega. Gvardiola "Bavariya"da Filipp Lamdan foydalangani kabi Kanseluni "Siti"da harakatlantirardi.