Murod Otajonov: "Hujumdagi muammo? Bu nafaqat bizda, balki butun O'zbekistonda muammo"

- Avvalambor barchani bayram bilan tabriklayman. Tabrigimiz o'xshamay qoldi. O'yinga to'xtaladigan bo'lsak, qiyin bahs bo'ldi. Menimcha, "Nasaf" bilan uchrashuvdan so'ng yigitlar emocional tomonlama sustlashib qolishgandi. Raqibni g'alaba bilan tabriklayman, "Surxon" tarkibida yosh yigitlar ko'p ekan va ularga omad tilayman.

- "Bunyodkor" jamoasi ikki uchrashuvdan buyon maydonda bir kishi kam bo'lib qolgan raqibga qarshi o'ynab, g'alaba qozona olmayapti. Bunga sabab nima?

- Sababi oddiy, gol ursang yutasan. Bizda vaziyatlar bo'ldi lekin ulardan unumli foydalana olmadik, agar gol urganimizda, savolingizga bemalol javob bergan bo'lar edim.

- "Bunyodkor"da hujum chizig'i biroz oqsayotgandek ko'rinadi. O'yinlarda "Bunyodkor" safida gol uradigan yaqqol hujumchi etishmayotgandek?!

- Ushbu mavsum butun chempionatimizda hujumchilar bo'yicha muammo bor. Ko'pgina jamoalar 2-3ta gol urib o'ynashmoqda. Bu nafaqat bizda, balki butun O'zbekistonda hujumchilar bilan bog'liq muammo bor.

- Abdumannopov o'zining yuqori jismoniy holatini yo'qotgandek. Nega u bugun u zaxirada qoldirildi?

- Abdumannopovda kichik jarohat bor edi. Endigina o'ziga kela boshladi va bugun asosiy tarkibda bo'lishi kerak edi, lekin shifokorlar unga bugun dam berish kerakligini aytishdi. Keyingi bahslarga u tayyor bo'ladi.