Murod Ismoilov: “Raqibni mensimaslik shunday oqibatlarga olib keladi!”

- Dastavval, “Oq-tepa” jamoasini, muxlislarini chiroyli g'alaba bilan tabriklayman! “Paxtakor”da ishlaganimda shogirdlarim bo'lgan futbolchilarning o'yinini ko'rib ular uchun xursand bo'ldim. “Neftchi” haqida nima deyishim mumkin? Raqibni mensimaslik shunday oqibatlarga olib keladi. Kecha bo'lib o'tgan Kubok bahslarida “Dinamo”, “Olmaliq”, “Qizilqum” birinchi liga klublariga qarshi o'yinlarda mag'lubiyatga uchrab musobaqani tark etgandi. Bu bizga dars bo'lgani yo'q. Futbolchilar aqlini yig'ishtirib olmadi. Kecha ham shu haqida ogohlantirgandik, ammo bugun yana bilganlaridan qolmadi. Bunaqa futbol o'ynab bo'lmaydi!

- Biz har bir uchrashuvga g'alaba maqsadida tushamiz. Men futbolchilarga doim aytaman: muxlislarning hurmati uchun ham o'ynanglar. Agar bunday uchrashuvlarda o'ynashni istashmasa yoki charchoq alomatlari bo'lsa, aytishsin, ularning o'rniga harakat qiladigan futbolchilarimiz bor.

- Bugungi mag'lubiyat “Bunyodkor”ga qarshi o'yin oldidan futbolchilarning ruhiy holatiga salbiy tasir qiladi, deb o'ylamayman. Bugun bir qator yosh o'yinchilarga imkoniyat bergandik. Vaziyatni o'zingiz ko'rdingiz. Professionallik sari hali ko'p ishlashimiz kerakligi bugun ko'rinib qoldi - deydi Murod Muzaffarovich.