Mukofot muborak!

Mustaqillik yillarida «Navoiy kon-metallurgiya kombinati» davlat korxonasi dunyoning ilg'or kon-metallurgiya sanoati kompaniyalari qatoridan munosib o'rin egallab, mintaqadagi eng yirik va ishonchli sanoat gigantlaridan biriga aylandi. 

Kuni kecha Navoiy kon-metallurgiya kombinati va Navoiy shahri tashkil etilganining 60 yil to'ldi.

Ana shu sana munosabati bilan mamlakatimizning iqtisodiy qudratini yuksaltirish, kon-metallurgiya sanoatini zamonaviy texnologiyalar asosida rivojlantirish, murakkab ish va iqlim sharoitlarida er osti boyliklarini samarali o'zlashtirish, tarmoqning barqaror ishlashini taminlash, yangi sanoat korxonalarini tashkil etish borasidagi ulkan xizmatlari, millatlararo do'stlik va hamjihatlikni mustahkamlash, yosh avlodni vatanparvarlik va istiqlol g'oyalariga sadoqat ruhida tarbiyalash, shuningdek, Navoiy shahrining ijtimoiy-iqtisodiy taraqqiyotini taminlashga qo'shgan salmoqli hissasi uchun bir guruh yurtdoshlarimiz Prezidentimiz farmoniga ko'ra faxriy unvon, orden va medallar bilan taqdirlandi.

Ular orasida«Navoiy kon-metallurgiya kombinati» davlat korxonasi xodimlari kasaba uyushmasi Kengashi raisi, “Qizilqum” professional futbol klubi prezidenti Isroil Kurbanovich  Rahmatov ham bor. Klubimiz rahbari Yurtboshimizning farmoniga ko'ra, “Fidokorona xizmatlari uchun” ordeni bilan taqdirlandi.

Yuksak mukofot muborak bo'lsin, Isroil Kurbanovich!

“Qizilqum” PFK jamoasi.