Muhsin Nizomiddinov: "Buxoro" bilan durang o'ynash oson ish emas"

O'yin haqida

- Qo'qondan kelib bizni qo'llab-quvvatlagan muxlislarga rahmat. Mezbon muxlislar bugun juda faollik ko'rsatishdi. "Buxoro"ni o'rganib chiqdik va shunga mos tayyorgarlik ko'rdik. To'pni ko'proq oldinda ushlab turdik. Bu jarayon ish berdi. 

"Buxoro" o'z oldiga Superliga maqsadini qo'ygan va tarkibga nomdor futbolchilarni jalb etgan jamoa. Ularga qarshi o'yinda durang qayd etish ham oson emas. Xato va kamchiliklar ustida ishlaymiz.

- Birinchi davradagi o'yin ham bugungi kabi o'tgandi. Ikki jamoaning ham o'yin falsafasidan kelib chiqib, shunaqa o'yin ko'rayapmiz desak bo'ladimi?

- Mezbonlar tarkibida yulduz futbolchilar bor. Bizdagi maqsad ham Superligaga qaratilgan.

- O'yinning 85-daqiqasidan boshlab jamoa hujumkorlikni oshirdi. Bu avvaldan tayyorlangan rejami?

- Bugun bizda 7-8 ta futbolchilarda shamollash bor edi. Taktikani shunga moslab tayyorgarlik ko'rdik.

- Ko'pchilikni qiziqtirayotgan savol. Jamoa o'z maydoniga qachon qaytadi?

- Maydonning o'zi qaytadan tayyorlandi. Rahbariyat hozir shuning ustida ishlayapti. Saratondan o'tib olsak, maydonimiz o'yinlar uchun tayyor bo'ladi.